ՀՀ ԱԳ նախարար Արարատ Միրզոյանը պատասխանել է հարցին, թե արդյո՞ք փակուղի են մտել Ադրբեջանի հետ սահմանի սահմանագծման ու սահմանազատման շուրջ քննարկումները։
Ավելի վաղ ՀՀ վարչապետ Նիկոլ Փաշինյանը հայտնել էր, որ առաջարկներն ուղարկվել են Ռուսաստանին, Ադրբեջանին և միջազգային գործընկերներին։
«Հայաստանն Ադրբեջանից պարզաբանման է սպասում, թե սահմանի սահմանագծման և սահմանազատման վերաբերյալ մեր առաջարկների որ մասն է անընդունելի»,- ուրբաթ լրագրողներին ասաց Միրզոյանը։
Նրա խոսքով, քննարկումները շարունակվում են, նոր լուծումներ են փնտրվում։