Բա՛վ է պառակտվել
09-08-2019 17:25

Աղբահանության և սանմաքրման աշխատանքների համար տրամադրվեց ավելի քան 1 մլրդ 726 մլն դրամ

Երևանի քաղաքապետրանը այսօր հրավիրել էր արտահերթ նիստ ,օրակարգի հարցերից մեկով՝ Աղբահանության և սանմաքրման աշխատանքների համար տրամադրվեց ավելի քան 1 մլրդ 726 մլն դրամ: Իսկ նշված ծառայությունների համար անհրաժեշտ գումարը ապահովելու նպատակով որոշվեց 91 մլն դրամը փոխանցել մանկապարտեզների վերանորգման համար նախատեսված գումարից:
Ավագանու ԲՀԿ անդամ Միքայել Մանրիկյանը հետաքրքրվեց, թե ինչո՞ւ չի առաջարկվում այդ գումարն ավելացնել պարգևավճարների և գործուղումների ծախսերի հաշվին, փոխարենը իրականցվում է երեխաների հաշվին:
Ի պատասխան քաղաքապետի առաջին տեղակալ Հրաչյա Սարգսյանը նշեց, որ այդ գումարով 21 մանկապարտեզ ամբողջությամբ հնարավոր չէր լինի վերանորոգել:
<<Ոչ մի մանկապարտեզ չի տուժելու: Այս 91 մլնը այն ավելի գումարի մասն էր, որը պետք է սպասի, մինչև այդ մանկապարտեզների նախագիծ նախահաշիվները պատրաստ լինեն, տեղադրվեն, մրցույթները տեղի ունենան, որոնք այս տարվա ընթացքում չեն հասցնելու իրականացվել: Եթե անգամ այս 91 մլնը մնա, այն չի օգտագործվելու և մնալու է որպես տնտեսում», - ասաց փոխքաղաքապետը:
Իսկ այդ գումարով նախատեսվում է ձեռք բերել 5 սանիտարական մաքրման մեքենա, 11 բազմաֆունկցիոնալ կոմունալ ճանապարհային մեքենա, 22 մայթերի ձնահավաք մեքենա, 10 աղբատար մեքենա` հետևի բարձմամբ և 3 կոնտեյներների լվացման մեքենա: 155 մլն դրամ կտրամադրվի Երևան քաղաքում արդեն հնամաշ, այրված, ջարդված և շարքից դուրս եկած կոնտեյներները նոր կոնտեյներներով փոխարինելու և դրանց քանակը ավելացնելու նպատակով թվով 1000 նոր կենցաղային թափոնների կոնտեյներների ձեռքբերման համար:

Սա Հայաստանի Հանրապետության պատմության մեջ ամենախայտառակ քրեական գործն է։ Ռոբերտ Քոչարյան
Կարևորը,որ նախագահը ազատության մեջ լինի.Սեյրան Օհանյան (Լուսանկարներ, տեսանյութ)
Հայաստանի պարտապան զինծառայողներն արտոնություններ կստանան
Անցյալով լի սունդուկը․ Գաղթած Տիկին Թամարայի հուշերը Ճալեթ գյուղի մասին (Լուսանկարներ)
Forbes-ին տված հարցազրույցում Տաթևիկ Կարապետյանը պատմել է նոր սերնդի ժառանգների արժեքների մասին