Բավ է պառակտվել
18-05-2022 14:43

Ուկրաինայից հայերի ներգաղթն ակտիվացել է․ ներկայացվել է վիճակագրություն

Ուկրաինական իրադարձությունների հետ կապված ակտիվացել է Ուկրաինայից հայերի ներգաղթը, շատերը հետաքրքրվում են Հայաստանի քաղաքացիություն և կացության տարբեր կարգավիճակներ ստանալու գործընթացներով։ Այս մասին չորեքշաբթի մամլո ասուլիսում հայտարարեց Սփյուռքի գործերի գլխավոր հանձնակատարի գրասենյակի ռազմավարության բաժնի պետ Հովհաննես Ալեքսանյանը։

Ալեքսանյանը նշեց, որ դեռևս նախքան ուկրաինական ճգնաժամը հանձնակատարի գրասենյակը սերտ կապի մեջ է եղել Ուկրաինայի հայ համայնքների հետ, և բոլոր իրադարձությունների ընթացքում այդ կապը պահպանվել է։

«Ուկրաինայի հայ համայնքն իր մեծությամբ չորրորդն է աշխարհում, այնտեղ ապրում է մոտ 400 հազար մարդ, ևս 100 հազար հայ ապրում է Ղրիմում, Դոնեցկում և Լուգանսկում»,- ասաց նա։

Ալեքսանյանն ասաց, որ իրենց հաջողվել է կենտրոնացնել հայկական սփյուռքը ԵՄ 4 երկրում, որոնք կարողացել են ժամանակավոր կացարաններ տրամադրել հայրենիք վերադարձող հայերին։ Համայնքները մարդկանց մեծ օգնություն են ցուցաբերել նաև հայրենադարձության գործընթացում։

«2022 թվականի առաջին 3 ամիսների տվյալներով Հայաստան է ժամանել ուկրաինական փաստաթղթերով մոտ 6 հազար մարդ, որոնց մեծ մասը մեր հայրենակիցներն են»,- ասաց նա։

Նրա խոսքով, այդ քաղաքացիների մեծ մասը Հայաստան է ժամանել Վարշավայից, Բուխարեստից, Բուդապեշտից և Վիեննայից։ Միաժամանակ նա ընդգծել է, որ կան բազմաթիվ հայեր, ովքեր մտադիր չեն լքել Ուկրաինան տարբեր պատճառներով (զորակոչված ամուսիններ և երեխաներ, ունեցվածք, անշարժ գույք, աշխատանք և այլն)։ Կան նաեւ Ուկրաինայից հայկական փաստաթղթերով մեկնածներ։

«Մեր քաղաքացիներին, ովքեր ֆինանսական հնարավորություն չունեին (Ուկրաինան լքելու՝ խմբ.), պետությունը որոշակի աջակցություն ցուցաբերեց, հայկական կողմը նրանց համար տոմսեր է գնել»,- ասաց նա։

Այս համատեքստում Ալեքսանյանը նշեց, որ Հայաստանի քաղաքացիները, ովքեր Ուկրաինայից հեռանալուց հետո ժամանակավորապես գտնվում են Գերմանիայում, կարող են դիմել տեղական ինքնակառավարման մարմիններին և ստանալ ֆինանսական աջակցություն։

Նա ասաց, որ հանձնակատարի գրասենյակը Ամերիկայի Հայ Ավետարանչական ընկերակցության աջակցությամբ իրականացնում է Ուկրաինայից ժամանած հայերի ինտեգրման ծրագիր։ Ծրագիրը ներառում է 4 բաղադրիչ՝ վարձավճարի սուբսիդավորում, կրթական բաղադրիչ, առողջապահական բաղադրիչ, միանվագ օգնություն (այլ բաղադրիչների համար դիմելու պայմանների բացակայության դեպքում)։ Այս պահին, ըստ նրա, դիմումներ են ստացվել վերջին իրադարձությունների պատճառով Ուկրաինայից Հայաստան ժամանած շուրջ 80 ընտանիքից։

Նրա խոսքով, 2022 թվականի 4 ամսվա ընթացքում հանձնակատարի գրասենյակը ստացել է շուրջ 4000 դիմում, նամակ, զանգ, ինչպես նաև այցելություններ գրասենյակ՝ հայրենադարձության գործընթացի տարբեր խնդիրների հետ կապված։ Այս ընթացքում մի քանի հարյուր հա է ժամանել երկիր, ընդ որում Ավստրալիայից ժամանողների մեծ հոսք կա, ակտիվ է ներգաղթը ԵՄ-ից։

«Հարցերը հիմնականում վերաբերում էին քաղաքացիություն ստանալու ընթացակարգերին, փաստաթղթերին, օգնություն ստանալուն։ Եղել են նաև մեր հայրենակիցների երեխաներին ուսումնական հաստատություններում տեղավորելուն, առողջական խնդիրներին, բիզնեսի տեղափոխման վերաբերյալ խորհրդատվություններին, անձնական օգտագործման իրերի ներմուծմանն առնչվող հարցեր»,- ասաց նա։

Վերին Լարսը կրկին փակ է
Բանակում արգելվել են սմարթֆոնները՝ ՃՏՊ-ների թվի ավելացման պատճառով
Հայաստանի զինծառայողը մեղադրվում է պետդավաճանության մեջ․ նա հավաքագրվել է «Օդնոկլասնիկի» սոց․ ցանցի միջոցով (տեսանյութ)
Իրանի քաղաքացին փորձել է 3կգ ափիոն արտահանել Հայաստանից Ավստրալիա
5-բալանոց երկրաշարժ հայ-վրացական սահմանին