Բա՛վ է պառակտվել
06-08-2019 18:53

"Հյուսիս –հարավ" ավտոճանապարհի աշխատակիցների ցույց տեղի չունեցավ՝հրավիրեցին ոստիկանություն

<<Հյուսիս-հարավ>> ավտոճանապարհի 25 ենթակապալառու ընկերությունների աշխատակիցներն այսօր բողոքի ցույց էին կազմակերպել եւ փակելու էին ճանապարհի Աշտարակ-Ուջան հատվածը: Աշխատակից Գուրգեն Հովհաննիսյանը մեզ հետ զրույցում նշեց,որ պետք է փակեն ճանապարհը՝ իրենց մեկ տարվա աշխատավարձերը վճարելու պահանջով:
Հիշեցնենք,որ <<Հյուսիս-հարավ>> ավտոճանապարհի շինարարությունն իրականացնող գլխավոր կապալառուներից <<Կորսան Կորվիամ>> ընկերության ենթակայության տակ գտնվող 2 տասնյակի հասնող ենթակապալառու ընկերություններն իրենց կատարած շինաշխատանքների համար գումար չեն ստանում 2018-ի օգոստոսից։ Խնդիրն այն է, որ շինարարության հիմնական կապալառու կազմակերպության <<Կորսան Կորվիամ>> ընկերության հետ կառավարությունը խզել է պայմանագիրը, տվյալ ընկերության ֆինանսական խնդիրների պատճառով, իսկ ենթակապալառու ընկերություններին գումարները չի վճարվել:
Ընկերությունը արդեն երեք միլիարդից ավել պարտքեր է կուտակել: Այդ պատճառով տուժում են մոտ 850 աշխատակիցներ, որոնք ընդգրկված են Հյուսիս-հարավ ճանապարհային միջանցքի ներդրումային ծրագրում:

Ցույցի կազմակերպիչներից Գուրգեն Հովհաննիսյանն մեզ հետ զրույցում ասաց, որ իրենք պահանջում են, որպեսզի կառավարությունը իսպանական կազմակերպությունից հետ պահման եւ երաշխիքային գումարներից վճարի ենթակապալառու ընկերությունների գումարները:
<<Ենթակապալառու ընկերությունների գումարները դեռ մեկ տարի առաջ պետք է վճարված լինեին: Մայիսի 31-ին մեզ խոսք էին տվել, որ 45 օրվա ընթացքում այդ հարցը կլուծեն, բայց արդեն 67 օր է անցել ու մեր հարցը ոչ մի լուծում չի ստացել>>,-ասաց Գուրգեն Հովհաննիսյանը:
Բողոքի ցույցը, սակայն, չկայացավ: Գուրգեն Հովհաննիսյանն փոխանցեցշ,որ որ քիչ առաջ իրենց զանգահարել են եւ հրավիրել ոստիկանության Աշտարակի բաժանմունք:
<<Մեկ ժամ առաջ զանգեցին և ասացին, որ տեղյակ են, որ ակցիա է լինելու և նշեցին, որ եթե ճանապարհը փակենք կոշտ արձագանք է լինելու, թե որն է կոշտ արձագանքը, պետք է հարցնել ոստիկանությունից: Մերը խաղաղ ակցիա է, որով պահանջում ենք մեր աշխատավարձերը վճարել>>,-ասաց Հովհաննիսյանը:

 

Արմինե Գևորգյան

Սա Հայաստանի Հանրապետության պատմության մեջ ամենախայտառակ քրեական գործն է։ Ռոբերտ Քոչարյան
Կարևորը,որ նախագահը ազատության մեջ լինի.Սեյրան Օհանյան (Լուսանկարներ, տեսանյութ)
Հայաստանի պարտապան զինծառայողներն արտոնություններ կստանան
Անցյալով լի սունդուկը․ Գաղթած Տիկին Թամարայի հուշերը Ճալեթ գյուղի մասին (Լուսանկարներ)
Forbes-ին տված հարցազրույցում Տաթևիկ Կարապետյանը պատմել է նոր սերնդի ժառանգների արժեքների մասին