«Հայաստան» դաշինքի պատգամավորության թեկնածու, «Իզմիրլյան» ԲԿ-ի տնօրեն պրոֆեսոր Արմեն Չարչյանը կալանավորվել է։
Ավելի վաղ Չարչյանին բերման էին ենթարկել «Բաղրամյան 26» տելեգրամյան ալիքի տարածած աուդիո ձայնագրության հիման վրա, որում տղամարդը պահանջում է աշխատակիցներից մասնակցել ընտրություններին, իսկ չմասնակցողները կարժանանան «կոշտ» վերաբերմունքի։ Նրա դեմ քրեական գործ է հարուցվել ընտրողներին կաշառք տալու, ստանալու, ընտրությունների ժամանակ բարեգործության արգելքի խախտման կամ ընտրողի ազատ կամքի իրականացմանը խոչընդոտելու կասկածանքով։ Նշվում է, որ նա օգտագործել է պաշտոնական դիրքն՝ հորդորելով դեմ քվեարկել գործող իշխանություններին և սպառնացել է հետագա ճնշումներով իր գլխավորած բժշկական կենտրոնի ղեկավարության կողմից։
Ինչպես «Արմենպրես»-ին տեղեկացրին Հայաստանի քննչական կոմիտեի մամլո ծառայությունից, նրան մեղադրանք է առաջադրվել ՀՀ քրեական օրենսգրքի «Ընտրողների կամքի ազատ իրականացմանը խոչընդոտելը» հոդվածով:
Գործի քննությունը շարունակվում է:
Հունիսի 20-ին Չարչյանը անհիմն որակեց իր նկատմամբ քրեական հետապնդումը: Այն ժամանակ դատարանն անօրինական համարեց կալանքը, իսկ հիմնական շեշտը դրվեց այն փաստի վրա, որ բացակայում է հանցագործություն կատարելու հիմնավոր կասկածը։