Հայաստանի վարչապետ Նիկոլ Փաշինյանը չի բացառել ամենուրեք դիմակ կրելու պահանջի ներդրմանը՝ դրա պահպանման նկատմամբ վերահսկողությունը պարզեցնելու նպատակով։
«Այսօր կան երկրներ, որոնք, առնվազն, ստիպված են վերադառնալ լոքդաունի: Մեր ռազմավարությունը հետևյալն է. մենք չպետք է գնանք լոքդաունների և պետք է երկու ուղղությամբ աշխատենք:Առաջինը դիմակների կրման կանոնների խստացումը, և չի բացառվում, որ մենք այստեղ նոր որոշումներ կայացնենք:»,- ասել է նա։
Փաշինյանն ասել է, որ չի բացառվում բաց տարածքներում դիմակ կրելու անհրաժեշտությունը։ Նրա խոսքով՝ ամենուրեք դիմակ կրելու պահանջի պայմաններում վերահսկողությունն ավելի հեշտ է իրականացնել։
Որպես աշխատանքի երկրորդ ուղղություն վարչապետը նշել է պատվաստումների ծավալների աճը։