Բավ է պառակտվել
29-07-2022 12:35

Հայաստանը պետական ​​մակարդակով կաջակցի ապրիլյան և արցախյան 44-օրյա պատերազմների մասնակիցներին աշխատանքի տեղավորման հարցում

Հայաստանի աշխատանքի և սոցիալական հարցերի նախարարության աշխատանքի և զբաղվածության վարչության պետ Ժորա Սարգսյանը ուրբաթ ներկայացրել է ապրիլյան և արցախյան 44-օրյա պատերազմների մասնակիցներին աշխատանքի տեղավորման աջակցության նախագիծը։

Նախագծի համաձայն՝ մարտական գործողությունների մասնակիցները պետք է գրանցվեն որպես որպես գործազուրկ, իսկ գործատուները պետք է տեղեկատվություն տրամադրեն թափուր աշխատատեղերի մասին։

Այնուհետև գործատուները կստանան ցուցակ, որտեղից կընտրեն անհատներին, որոնց հետ կցանկանան համագործակցել։ Այստեղ, ըստ Սարգսյանի, զարգացման մի քանի ուղիներ կան.

Ըստ առաջինի՝ ապագա աշխատողին ուղարկում են վերապատրաստման մինչև 5 ամիս ժամկետով, որը կարող է կազմակերպել և՛ գործատուն, և՛ նախարարությունը։ Կառավարությունն իր հերթին պարտավորվում է ֆինանսավորել կրթությունը, բայց ոչ ավելի, քան ամսական 50 հազար դրամ։ Բացի այդ, սովորողներին կտրամադրվի կրթաթոշակ՝ նվազագույն աշխատավարձի 50 տոկոսի չափով, այսինքն՝ այս պահին 34 հազար դրամ։

Դրանից հետո գործատուն պարտավոր է պայմանագիր կնքել առնվազն մեկ տարի ժամկետով։ Միաժամանակ կառավարությունը այդ տարվա ընթացքում գործատուին ամսական առավելագույնը 50 000 դրամի չափով գումար կտրամադրի` շահառուի աշխատավարձից հաշվարկվող հարկերը փոխհատուցելու համար։

Երկրորդ տարբերակը պրակտիկան է 3 ամսից ոչ ավելի ժամկետով։ Այս դեպքում պետությունը պրակտիկանտին կվճարի ամսական 68 հազար դրամ աշխատավարձ և մեկ տարվա ընթացքում՝ հարկերը։ Գործատուի համար պայմանը նույնն է՝ պայմանագիր առնվազն մեկ տարի ժամկետով։

Երրորդ տարբերակը անմիջապես աշխատանքի անցնելն է։ Այս դեպքում գործատուին 300 000 դրամ փոխհատուցում կտրամադրվի։

Այն դեպքում, երբ գործատուն որոշի ժամկետից շուտ խզել պայմանագիրը, նախագծով նախատեսված են փոխհատուցման մեխանիզմներ, որպեսզի պետական ​​բյուջեն չմսխվի ոչ նպատակային ծախսերի վրա։

Սարգսյանի խոսքով, այս պահին նախատեսվում է, որ ծրագրից կօգտվի 200 շահառու, սակայն անհրաժեշտության դեպքում այն ​​կարող է ընդլայնվել ու երկարաձգվել հաջորդ տարի։

44-օրյա պատերազմի հերոսների հիշատակին․ հայ հրշեջ-փրկարարը մեկ օրում երկու համաշխարհային ռեկորդ է սահմանել
Օրվա մեջ երկրորդ երկրաշարժը Հայաստանում․ ցնցումները զգացվել են Արարատի մարզի գյուղերում
44 օրվա ընթացքում սուտը քայքայել է մեր երկիրը. Մովսես Հակոբյան
Ուղիղ նայելով հանձնաժողովականների աչքերին` ասելու եմ այն, ինչ գիտեմ ու նաև այն, ինչ մտածում եմ․Սերժ Սարգսյան
Հայաստանի զինծառայողը մեղադրվում է պետդավաճանության մեջ․ նա հավաքագրվել է «Օդնոկլասնիկի» սոց․ ցանցի միջոցով (տեսանյութ)