Հայկական բանակը 2023 թվականի հունվարի դրությամբ զբաղեցրել է 94-րդ տեղը աշխարհի 145 բանակների շարքում, ասվում է Global Firepower Center-ի ուսումնասիրության մեջ։
ԱՄՆ Փենսիլվանիա նահանգում հիմնված Global Firepower անկախ միջազգային վերլուծական կենտրոնը 2023 թվականի դրությամբ աշխարհի բանակների թվաքանակի մասին զեկույց է հրապաակել:
Վրաստանը զբաղեցնում է 85-րդ տեղը, Ադրբեջանը՝ 57-րդ, Թուրքիան՝ 11-րդ, Իրանը՝ 17-րդ։
Անցյալ տարի այս վարկանիշային աղյուսակում Ադրբեջանը զբաղեցրել է 63-րդ տեղը, Վրաստանը՝ 88-րդ, Հայաստանը՝ 97-րդ։
Առաջին հնգյակում են ԱՄՆ-ը, Ռուսաստանը, Չինաստանը, Հնդկաստանը և Մեծ Բրիտանիան։
Global Firepower-ը, բացի զենքից և զինվորների թվից, հաշվի է առնում վեց տասնյակ գործոններ, այդ թվում՝ ջոկատների թիվը, զրահատեխնիկան, ռազմածովային ուժերը, տվյալ երկրի բնական ռեսուրսները, անձնակազմի քանակը, տրանսպորտի և ենթակառուցվածքների զարգացման մակարդակը, ռազմական բյուջեն, արտարժույթի պահուստները և գնողունակությունը:
