Հայաստանի ոստիկանությունը շուրջօրյա ռեժիմով ապահովում է Սյունիքի մարզի (երկրի հարավում, սահմանկից է Իրանին և Ադրբեջանին):
Ինչպես հաղորդում են գերատեսչության մամլո ծառայությունից, այդ աշխատանքներում ներգրավված են Սյունիքի մարզային վարչության ու ենթակա՝ Սիսիանի, Գորիսի, Կապանի, Քաջարանի, Մեղրիի, Ագարակի տարածքային բաժինների ու բաժանմունքների ծառայողները։
Մասնավորապես, հսկիչ-անցագրային կետեր են տեղակայված Երևան-Կապան ճանապարհի մի քանի հատվածներում, ծառայություն են իրականացվում ոստիկանության ՊՊԳՎ Գորիսի բաժնի ու ճանապարհային ոստիկանության երկրորդ սպայական գումարտակի և ուղեկցող հատուկ վաշտի ծառայողների մասնակցությամբ։
Սյունիքի մարզի Խոզնավար, Խնածախ, Վաղատուր, Ճակատեն, Ծավ, Շիկահող, Ներքին Հանդ և այլ բնակավայրերում իրականացվում է ոստիկանական շրջիկ ծառայություն։
Ոստիկաններն ապահովված են ծառայողական ամենագնացներով, տեղադրվել են անհրաժեշտ բոլոր պայմաններն ապահովող ու կահավորված հենակետեր, տարածքային բաժինները վերազինվել են տեխնիկական միջոցներով։
Ոստիկանությունը հիշեցրել է, որ 2021 թվականի հունվարի 15-ին ՀՀ վարչապետի որոշմամբ ստեղծվել է միջգերատեսչական աշխատանքային խումբ՝ Սյունիքի մարզում հնարավոր խնդիրները վերհանելու և օպերատիվ արձագանքելու նպատակով իրականացվող աշխատանքները համակարգելու նպատակով, որում ընդգրկված են մի շարք պետական մարմինների ներկայացուցիչներ։ Կառույցում ՀՀ ոստիկանությունը ներկայացնում է փոխոստիկանապետ Արթուր Մարտիրոսյանը։
Ադրբեջանական անցակետեր
Ավելի վաղ հայտնի էր դարձել, որ 2021 թվականի սեպտեմբերի 9-ից Ադրբեջանի իշխանությունները ոստիկանական հենակետ են տեղակայել Երևան-Կապան Մ2միջպետական ճանապարհի վրա՝ Որոտան գյուղի մոտ (Հայաստանի Սյունիքի մարզ, Գորիս): Հենակետը գործում է սեպտեմբերի 11 -ից և, ըստ Հայաստանի ազգային անվտանգության ծառայության, Ադրբեջանի ոստիկանությունը ստուգում է իրանական բեռնատարների վարորդների փաստաթղթերը:
Նոյեմբերի 15-ից Սյունիքի Կապան-Ճակատեն ճանապարհի ադրբեջանական հսկողության տակ գտնվող հատվածում սահմանային և մաքսային հսկողություն իրականացնելու համար ադրբեջանական անցակետ է տեղադրվել։
Այսպիսով, Հայաստանի հարավի մի շարք գյուղերի բնակիչներ ստիպված են լինում օգտվել այլընտրանքային ճանապարհից Կապան գնալու համար (ստացվում է մոտ 100 կմ երկարությամբ մեծ շրջանցում)։ Խոսքը Ճակատեն, Շիկահոխ, Սրաշեն, Ներքին Անդ, Ծավ, Շիշկերտ համայնքների բնակիչների մասին է։ Այս այլընտրանքային ճանապարհը լուրջ վերանորոգման կարիք ունի, ակնկալվում է, որ այն պատրաստ կլինի մինչև տարեվերջ։
Սյունիքի նոր սահմանները
Նոյեմբերի 9-ին Հայաստանի, Ռուսաստանի և Ադրբեջանի ղեկավարների կողմից Արցախում ռազմական գործողությունների դադարեցման մասին հայտարարությունը ստորագրելուց հետո Ադրբեջանի վերահսկողության տակ անցան ԼՂՀ և հարակից յոթ շրջանների ավելի քան 190 բնակավայր: Արդյունքում, Հայաստանի հարավում Սյունիքի մարզի սահմանները (ներառյալ Կապանի վարչական կենտրոնը) հայտնվեցին Ադրբեջանի նոր սահմանների (Ադրբեջանի ԽՍՀ ժամանակների) անմիջական հարևանությամբ։
Դրանից հետո Սյունիքում անցան բողոքի ակցիաներ. բնակչությունը վրդովված էր ռազմավարական նշանակություն ունեցող բարձունքներում հայկական դիրքերի ապամոնտաժմամբ և Ադրբեջանի հետ սահմանակից դիրքերում դեմարկացիոն աշխատանքներով։ Արդյունքում՝ հակառակորդը մոտեցավ Կապան քաղաքին՝ ընդամենը հարյուր մետր հեռավորության վրա: Բացի այդ, Կապանից չորս գյուղ տանող ճանապարհի մի հատվածը՝ դեպի Խդրանց, Ագարակ, Եղվարդ և Ուժանիս գյուղեր հայտնվեց թշնամու տարածքում:
Դրա հետևանքով անվտանգության լուրջ խնդիրներ առաջացան Սյունիքում, պարբերաբար հաղորդումներ են ստացվում ադրբեջանցիների կողմից անասունների գողության մասին տեղի հայ բնակչությունից,, նրանց կյանքին ու առողջությանը սպառնացող վտանգի մասին։ Հայաստանի օմբուդսմեն Արման Թաթոյանը բազմիցս բարձրացրել է հայ-ադրբեջանական սահմանի երկայնքով անվտանգության գոտի ստեղծելու հարցը։