Բա՛վ է պառակտվել
22-08-2019 15:24

Հայ զինվորականները կարող են օգտվել անտոկոս հիփոթեքից

Հայաստանի կառավարությունը հինգշաբթի նիստում ընդունել է զինծառայողների համար հիփոթեքային վարկավորման սուբսիդավորման համակարգի նախագիծը։

Ինչպես նիստում տեղեկացրել է Հայաստանի պաշտպանության նախարար Դավիթ Տոնոյանը, յուրաքանչյուր տարի ծրագրի շահառու կարող է դառնալ 500 զինծառայող։

՛Ծրագիրը նախատեսում է հիփոթեքային վարկի առավելագույն գումարը 28,5մլն դրամի չփով (շուրջ 60հազ դոլար), ընդ որում՝ նախատեսված գումարի 10%-ը կանխավճարի տեսքով կֆինանսավորի պետությունը”,- ասել է Տոնոյանը։

Նա նշել է, որ առաջնային շուկայում բնակարան գնելու կամ նոր տուն կառուցելու դեպքում վարկի տարեկան դրույքաչափը կլինի 7%, որոնցից 3 տոկոսը կսուբսիդավորի պետությունը, իսկ մնացած 4-ը կվերադարձվի վճարված եկամտահարկի հաշվին։

Համաձայն նախագծի՝ երկրորդական շուկայում բնակարան ձեռք բերելիս առավելագույն տոկոսադրույքը չի կարող ավելի քան 2 տոկոսով գերազանցել վերաֆինանսավորման դրույքաչափը։ Այս դեպքում ևս պետությունը սուբսիդավորում է հիփոթեքային վարկի 3 տոկոսը, իսկ մնացած մասը վճարում է վարկառուն։

”Շահառուների ընտրությունը կկատրվի միաժամանակ վիճակահանությամբ”,- նշել է Տոնոյանը։

Կառավարությունում քննարկել են Հայաստանի Ոստիկանության բարեփոխումների նախագիծը
Մտածեք զինծառայողների նյութական ապահովության մասին։ Գևորգ Պետրոսյան
Ի՞նչ ճակատագիր է սպասվում լիբանանահայերին․
Շուրջ 278 մլն դրամ կհատկացվի Տավուշի սահմանամերձ համայնքներում հրետակոծության հետևանքները վերացնելու համար
Սերժ Սարգսյանի գործով դատական նիստը հետաձգվել է նախկին նախագահի և իր փաստաբանի բացակայության պատճառով