Բավ է պառակտվել
29-10-2020 14:03

Հայկական կողմին է փոխանցվել երեսուն զոհված հայ զինծառայողների մարմինները. ՊՆ

Հոկտեմբերի 29-ին Ռուսաստանի Դաշնության բացառիկ միջնորդական ջանքերի շնորհիվ, ԿԽՄԿ-ի և ԵԱՀԿ գործող նախագահի անձնական ներկայացուցչի դաշտային թիմի մասնակցությամբ հայկական կողմին է փոխանցվել ռազմական գործողությունների ընթացքում երեսուն զոհված հայ զինծառայողների մարմինները:

Ինչպես հայտնում են ՊՆ-ի մամուլի ծառայությունից, միաժամանակ, ԿԽՄԿ-ի ջանքերով Հայաստան է վերադարձվել մեկ քաղաքացիական անձ:

"Իր հերթին հայկական կողմը, հավատարիմ մնալով հումանիտար հրադադարի շրջանակներում ձեռք բերված պայմանավորվածություններին, կրկին պատրաստակամություն է հայտնում ադրբեջանական կողմին հանձնել Արցախի տարածքում գտնվող ադրբեջանցի զինծառայողների մարմինները, մեկնարկել արցախա-ադրբեջանական ռազմաճակատի ողջ երկայնքով ռազմական գործողությունների արդյունքում միջդիրքային հատվածից աճյունների դուրսբերման, ինչպես նաև ռազմագերիների վերաբերյալ տեղեկատվության փոխանցման և հետագայում վերջիններիս փոխանակման գործընթացը", - ասված է հայտարարության մեջ:

Արմինե Գևորգյան

Ռուսական կողմի միջնորդությամբ հայկական կողմին են փոխանցվել երեք հայ գերիներ
Հունվարի 23-ին հայկական կողմին է փոխանցվել ևս 30 հայ զինծառայողի աճյուն
Արցախի Խծաբերդ և Հին Թաղեր գյուղերի մոտ հայտնաբերվել են զոհված 9 հայ զինծառայողների մարմիններ
ԿԽՄԿ ներկայացուցիչներն Ադրբեջանում այցելել են հայ զինծառայող Արայիկ Ղազարյանին
Պայմանագրային զինծառայող Գեղամ Խաչատրյանը զոհվել է