Հայաստանի պաշտպանության նախարարի պաշտոնակատար Վաղարշակ Հարությունյանն այցելել է ՀՀ-ում ՌԴ ԱԴԾ սահմանապահ վարչություն, հայտնում է գերատեսչության մամլո ծառայությունը։
Այցելության ընթացքում պաշտպանական գերատեսչության ղեկավարը և ՌԴ ԱԴԾ սահմանապահ վարչության պետ գեներալ-լեյտենանտ Ռոման Գոլուբիցկին քննարկել են հայ-ադրբեջանական սահմանային իրադրության, ինչպես նաև սահմանագոտու որոշ հատվածների ականազերծման հետ կապված հարցեր։