Երևանում մարդատար ավտոմեքենան, որի սրահում, բացի վարորդից, երկու ուղևոր է եղել, ընկել է շինարարական փոսը, հայտնում են Արտակարգ իրավիճակների նախարարությունից։
Նշվում է, որ նախորդ գիշեր Ճգնաժամային արձագանքման ազգային կենտրոն ահազանգ է ստացվել, որ մայրաքաղաքի Նորքի զանգվածում ավտոմեքենան դուրս է եկել երթևեկելի հատվածից և հայտնվել շինհրապարակում, կան արգելափակված մարդիկ։
Դեպքի վայր են մեկնել փրկարարները, ճգնաժամային կառավարման կենտրոնի օպերատիվ խումբը և հերթապահ հոգեբանը։
Փրկարարները հոսանքազրկել են Hyundai Elantra մակնիշի ավտոմեքենան, փակել գազի բալոնի փականը և դուրս բերել սրահից վարորդին ու երկու ուղևորներին, որոնցից մեկը՝ ծնված 2016թ.-ին։
Շտապօգնության բժիշկները տեղում ցուցաբերել են առաջին բուժօգնություն։