Ադրբեջանը պետք է դադարեցնի Լաչինի միջանցքի արգելափակումը, որը Լեռնային Ղարաբաղն արտաքին աշխարհին կապող միակ ճանապարհն է, հայտարարել է Freedom House միջազգային իրավապաշտպան կազմակերպությունը։
«Մենք կոչ ենք անում միջազգային հանրությանը վերահաստատել իր աջակցությունը ոչ հարկադրական բանակցություններին։
Մեզ անհանգստացնում են լուրերն այն մասին, որ Ադրբեջանը հերթական անգամ դադարեցրել է գազի մատակարարումը Լեռնային Ղարաբաղ։ Մենք կոչ ենք անում Ադրբեջանի կառավարությանը վերականգնել տարածաշրջանի բնակչության անարգել գազամատակարարումը։
Վերջապես, մենք կոչ ենք անում ԵԱՀԿ Մինսկի խմբի երկրներին և 2020 թվականի նոյեմբերի 9-ի եռակողմ հայտարարության կողմերին ձեռնարկել անհրաժեշտ քայլեր՝ ապահովելու Լեռնային Ղարաբաղի ժողովրդի իրավունքները և անվտանգությունը, ներառյալ նրանց ազատ տեղաշարժը»,- ասվում է Freedom House-ի Twitter-ի հայտարարության մեջ։