#հաղթելուենք
28-07-2020 16:47

Թուրքական անօդաչուները հարվածել են Հայաստանի՞ն.մեկնաբանում է ՊՆ -ից

Avia pro կայքը մի հոդված է հրապարակել, որում նշվում է, թե, իբր, թուրքական Bayraktar TB2 անօդաչուները հարվածներ են հասցրել Հայաստանին:
Նշվում է, թե համաձայն ռուսաստանյան աղբյուրների, թուրքական անօդաչուների հարվածներից հետո, ընդ որում ժամկետները չեն հստակցեվում, ՀՀ ռազմական ղեկավարությունը այդ հարցին մեծ ուշադրություն է հատկացրել՝ հատկապես Թուրքիայի կողմից Հայաստանի տարածքը օկուպացնելու սպառնալիքների ֆոնին:

Gisher.news-ի հետ զրույցում ՀՀ ՊՆ խոսնակ Շուշան Ստեփանյանը նշեց, որ հուլիսյան գործողությունների ընթացքում հակառակորդի կիրառած, օգտագործած, պայթած միջոցների մնացորդներն այժմ ուսումնասիրվում են: Այլ կերպ ասած, ժամանակավրեպ է խոսել այն մասին, դրանց մեջ թուրքական կա, թե ոչ.«Դեռ վաղ է. կվերլուծվեն ուսումնասիրությունների արդյունքները, պարզ կլինի»,- ասաց նա:
Ինչ վերաբերում է այն հատվածին, թե ՊՆ-ում հատուկ քննարկում է ծավալվել և անգամ լուսանկար է հրապարակվել այդ քննարկումից, խոսնակը նշեց, որ հայ-ռուսական համատեղ խորհրդակցության մասին կառույցը հանդես է եկել հաղորդագրությամբ։
Հիշեցնենք, այդ խորհրդակցության ընթացքում քննարկվել են հայ-ռուսական միավորված հակաօդային պաշտպանության համակարգի պլանային վարժանքները, որոնց նպատակն է ուսումնասիրել հետախուզական-հարվածային անօդաչու թռչող սարքերին հակազդելու մեթոդները։

 

Արմինե Գևորգյան

Մերոնք Ադրբեջանին պատկանող իսրայելական «Հերմես 900» անօդաչու թռչող սարք են խոցել (Տեսանյութ)
Սերբիայի մարդասիրական օգնությունը Հայաստանին
Թուրքիայի F-16 կործանիչի կողմից խոցվել է ՀՀ ԶՈւ ՍՈւ-25 գրոհիչ
Թուրքիան և Ադրբեջանը փաստում են, որ իրենց իրական թիրախը հայ ժողովուրդն է (լուսանկար)
Հայ֊վրացական սահմանից Արցախ պարեն ուղարկելու հարցը լուծված է, այնտեղ էլ մարդ չկա