Շուրջ 400 ուսանող և 35 դասախոս են տարահանվել Հայաստանի պետական տնտեսագիտական համալսարանի մասնաճյուղից տարօրինակ հոտի պատճառով, տեղեկանում ենք ԱԻՆ-ի կայքից։
Գերատեսչության տվյալներով՝ նոյեմբերի 22-ին, ժամը 10:30-ին ահազանգ է ստացվել, որ Երևանի Պարույր Սևակի թիվ 77 հասցեում՝ Հայաստանի պետական տնտեսագիտական համալսարանի մասնաճյուղում, ուսանողների ինքնազգացողությունը վատացել է․ շենքում զգացվել է տարօրինակ հոտ:
Դեպքի վայր են մեկնել հրշեջ-փրկարարական ջոկատներ և Բնակչության պաշտպանության և աղետների ռիսկի նվազեցման վարչության Ճառագայթային, քիմիական և կենսաբանական իրավիճակի մոնիտորինգի բաժնի քիմիկ-հետախույզների խումբը: Շենքում գտնվող մարդիկ տարհանվել են։