Բա՛վ է պառակտվել
13-02-2019 23:33

Հայաստանի ԶՈՒ-ում ավելի քան 46%-ով կրճատվել է առավել ծանր հանցագործությունների թիվը. գլխավոր դատախազություն

2018 թվականին Հայաստանի զինված ուժերում արձանագրվել է 3525 արտակարգ դեպք, որոնցից 2,358 (66,9%)՝ օրինախախտում, իսկ 1,140 (36,2%)` քրեական հանցագործություն: Այս մասին տեղեկացրել է գլխավոր դատախազության մամլո ծառայությունը:

Հայաստանի զինվորական դատախազության 2018թ. գործունեության արդյունքների ամփոփմանը նվիրված խորհրդակցության ժամանակ այդ մասին հայտնել է զինվորական դատախազ Վահե Հարությունյանը, ներկայացնելով զինված ուժերում հանցավորության դեմ իրավապահ մարմինների պայքարի արդյունքները:

Առավել ծանր հանցագործություններ

Ծանր հանցագործությունների թիվն աճել է 9 դեպքով կամ 8.1% -ով, իսկ առավել ծանր հանցագործությունների թիվը նվազել է 37-ով կամ 46,2% -ով:

2018 թվականին գրանցված 43 առավել ծանր հանցագործություններից նշվել է յոթ սպանություն, կատարված թշնամու կողմից, մեկ սպանություն՝ ծառայակցի կողմից և մեկ՝ քաղաքացիական անձի կողմից:

Հաշվետու ժամանակահատվածում արձանագրվել է թշնամու կողմից սպանության 23 դեպք, ինչը չորսով քիչ է 2017 թվականի համեմատությամբ: Բացահայտվել է ծառայակցին սպանելու երկու փորձ, ղեկավարի կողմից ուժի կիրառման փորձ, ինչպես նաև պաշտոնյաների կողմից կաշառք ստանալու յոթ դեպք:

1173 զինծառայող ստացել է տարբեր աստիճանի մարմնական վնասվածք, ինչը 640-ով (35.3%) պակաս է, քան 2017 թվականին (1813 դեպք): Միևնույն ժամանակ, գրեթե 2 անգամ նվազել է ծանր մարմնական վնասվածք ստացած զինծառայողների թիվը։ 2018 թվականին ծանր մարմնական վնասվածք է ստացել 54 զինծառայող, իսկ 2017 թվականին `102-ը:

Կոռուպցիոն դրսևորումներ

2018 թվականին զինված ուժերում արձանագրվել է կոռուպցիայի 182 դեպք, ինչը 66% -ով ավելի է, քան 2017-ին: 173 դեպքի առիթով հարուցվել է քրեական գործ: Մեղադրական եզրակացությամբ դատարան է ուղարկվել 43 քրեական գործ 86 անձի նկատմամբ:

Հաշվետու տարում գրանցվել է 422,236,614 դրամ (մոտ 863 հազար դոլար) ընդհանուր գումարով նյութական վնաս, ինչը 7,3 անգամ գերազանցում է 2017 թ. ցուցանիշը: Դրանցից վերականգնվել է 410.653.037 դրամը (շուրջ 840.000 ԱՄՆ դոլար), ինչն 8 անգամ գերազանցում է 2017-ի ցուցանիշը: