Բա՛վ է պառակտվել
27-01-2020 15:01

«Դա մեր սկզբունքներին դեմ է». ավագանու անդամը վայր դրեց մանդատը

Երևանի ավագանու «Իմ քայլը» խմբակցության անդամ, «Քաղաքացիական պայմանագիր» կուսակցության անդամ Հենրիկ Հարթենյանին հորդորել են վայր դնել ավագանու անդամի մանդատը: Այս մասին հրատապ նիստից հետո լրագրողների հետ զրույցում ասաց խմբակցության ղեկավար Սուրեն Էյրամջյանը: «Այսօր քննարկման ժամանակ խմբակցության անդամները վերահաստատեցին, որ դա մեր արժեհամակարգին հարիր չէ, մեր որդեգրած սկզբունքներին դեմ է: Հավատարիմ մնալով այդ սկզբունքներին` հորդորեցինք պարոն Հարթենյանին, որ հրաժարվի մանդատից: Նա համաձայնեց»,- ասաց Էյրամջյանը:

Հիշեցնենք, որ Հենրիկ Հարթենյանը «Ֆեյսբուք» սոցիալական ցանցի իր էջի «story» բաժնում տեղադրել էր Սարա Թովմասյան անունով օգտատիրոջ լուսանկարը և փորձել հանրության ուշադրությունը գրավել նրա վրա՝ գրելով, թե էջը ՍԴ նախագահ Հրայր Թովմասյանի աղջկանն է։ Ուշագրավ է՝ թեեւ Հենրիկ Հարթենյանին թվացել է, որ նա տարածում է ՍԴ նախագահ Հրայր Թովմասյանի աղջկա ֆեյսբուքյան հասցեն, իրականում պարզվել է` տարածվածը որեւէ կապ չունի նշված պաշտոնյայի եւ նրա ընտանիքի անդամի հետ։ Բայց դա ամենեւին չմեղմեց արարքի աստիճանը։ Հարթենյանը, ամեն դեպքում, ատելության խոսք տարածելու համար պատժի նախադեպ դարձավ։

 

Արմինե Գևորգյան

"Հերիք եղավ բոլ եղավ արա, ժողովրդին հասցրել եք" - Արարատի մարզի բնակիչների զանգվածային բողոքի ակցիան (տեսանյութ)
Ժամանակին միջոցառումներ չիրականացնելով Սևանա լիճը կարող ենք կորցնել
Որքանով են արդյունավետ կառավարության հակաճգնաժամային ծրագրերը․հարցում
Գրեթե կիսով չափ նվազել են հակառակորդի կրակոցից զինծառայողների մահվան դեպքերը․ դատախազ
ԱԱՏՄ-ն անակնկալ ստուգումներն է անցկացնում