Ուրբաթ առավոտյան արտակարգ դեպք է տեղի ունեցել Երևանում։
Ոստիկանության մամլո ծառայության հաղորդմամբ՝ օգօստոսի 20-ին, ժամը 09։00-ի Մալաթիայի բաժանմունքում ահազանգ է ստացվել, որ մի քաղաքացի նռնակներով մտել է Բաբաջանյան փողոցի 9/16 հասցեով գտնվող բուքմեյքերական ընկերություն։
Դեպքի վայր են մեկնել ոստիկանության ղեկավար կազմը և օպերատիվ խումբը։
«Զինված տղամարդու հետ բանակցություններն արդյունք են տվել։ Նա դուրս է եկել բուքմեյքերական ընկերության գրասենյակից ու տեղափոխվել ոստիկանություն։ Պարզվել է ինքնությունը՝ Երևանի Բաբաջանյան փողոցի 34-ամյա բնակիչ», – նշվում է գերատեսչության հաղորդագրության մեջ։
Մանրամասները ճշտվում են։