Բավ է պառակտվել
25-10-2022 11:24

ԵԱՀԿ առաքելության պատվիրակությունը ներկայացրել է Ջերմուկում ադրբեջանական ագրեսիայի հետևանքները

ԵԱՀԿ կարիքների գնահատման առաքելության պատվիրակությունը նախօրեին այցելել էր Ջերմուկ, որտեղ ծանոթացել էր ադրբեջանական զինուժի սեպտեմբերյան ագրեսիայի հետևանքներին։

Նրանց ներկայացվել են սեպտեմբերի 13-ի ադրբեջանական հարձակումից հետո ստեղծված իրավիճակը, քաղաքացիական ենթակառուցվածքներին հասցված վնասները, նաև վտանգները, որոնք առաջացել են ագրեսիայից հետո։ Այս մասին տեղեկանում ենք համայնքապետ Վահագն Արսենյանի ֆեյսբուքյան էջից։

Պատվիրակությանը ցույց են տվել նաև , նախկինում քաղաքից ադրբեջանական զորքերի հեռավորությունն ու ներկայիս գտնվելու վայրերը։

Հայաստանի դեմ Ադրբեջանի ագրեսիայի մասին

Սեպտեմբերի 13-14-ը ադրբեջանական զինուժը լայնածավալ ագրեսիա է ձեռնարկել Հայաստանի ինքնիշխան տարածքի դեմ՝ կիրառելով խոշոր տրամաչափի զենքեր, հրետանի, հրթիռային համակարգեր և անօդաչու սարքեր։

Ադրբեջանական զինուժը հրետակոծել է Հայաստանի 36 բնակավայր, այդ թվում՝ Գորիս, Սիսիան, Կապան, Ջերմուկ, Վարդենիս, Տեղ, Գեղամասար համայնքները, ինչի հետևանքով ամբողջությամբ կամ մասնակի այրվել է ավելի քան 190 բնակելի տուն, էներգետիկ ենթակառուցվածքներ, ջրամատակարարման օբյեկտներ, գազատարներ, կամուրջ և ավտոճանապարհներ։

Վերջին տվյալներով՝ հայկական կողմից զոհվել կամ անհետ կորել է 207 մարդ, այդ թվում՝ զոհվել է 4 խաղաղ բնակիչ, 2 խաղաղ բնակչի գտնվելու վայրը հայտնի չէ։ 293 զինծառայող և 8 խաղաղ բնակիչ վիրավորվել է, շուրջ 20 զինծառայող գերի ընկել։ Ապացույցներ կան ադրբեջանցիների կողմից գերի ընկած կամ վիրավորված հայ զինվորների խոշտանգումների, անդամահատման, և, այսպիսով՝ անօրինական սպանությունների դեպքերի մասին։

ԵԱՀԿ խումբն այցելել է Հայաստանի Սյունիքի մարզի սահմանային գոտին
Մինսկի խմբի համանախագահների և ԱՀ նախագահի հանդիպումը չեղարկվել է
Հայաստանում ԱՄՆ դեսպանությունն իր աշխատակիցներին արգելել է այցելել Ադրբեջանին սահմանակից Հայաստանի 5 մարզ
ԵԱՀԿ Մինսկի խմբի համանախագահությունը սառեցված է, այլ ոչ՝ լուծարված․ Արցախի արտգործնախարար
ԵԱՀԿ ՄԽ համանախագահները կժամանեն Հայաստան ու Ադրբեջան