Բավ է պառակտվել
19-12-2022 23:49

Մարտակերտ-Քարվաճառ ճանապարհն ադրբեջանցիների համար փակ է. Մարտակերտի շրջանային վարչակազմի ղեկավար

Մարտակերտ-Քարվաճառ ճանապարհն ադրբեջանցիների համար փակ է դեկտեմբերի 12-ից։ Այս մասին Արցախի հանրային հեռուստաընկերության եթերում հայտարարել է Մարտակերտի շրջանային վարչակազմի ղեկավար Արսեն Ավանեսյանը։
«Այս ճանապարհը փակ է ադրբեջանցիների համար եկտեմբերի 12-ից և չի գործի մինչև չբացվի Արցախի միակ «կյանքի ճանապարհը»։ Շրջանում որոշ բաների պակաս կա, բայց ընդհանուր առմամբ, նորմալ է, խուճապի մատնվելու բան չկա, հանգիստ է: Կարգի համաձայն օպերատիվ շտաբի հետ քննարկման արդյունքում, այն ամենը, ինչ պետք է շրջանի կարիքները բավարարելու համար, հրատապ բավարարվում է»,- ասել է նա։
Լաչինի միջանցքում և Արցախում տիրող իրավիճակի մասին

Ադրբեջանի հերթական սադրանքի արդյունքում դեկտեմբերի 12-ի առավոտից Արցախի Հանրապետությունը փաստացի շրջափակման մեջ է, խախտվել են երկրի 120 հազար բնակչի իրավունքները։ Ստեփանակերտ-Գորիս միջպետական ​​մայրուղին, որը Արցախը Հայաստանի հետ կապող միակ ճանապարհն է, իբր «էկոլոգիական նկատառումներով» ադրբեջանական կողմի կողմից ամբողջությամբ փակ է մնում։ Արդյունքում ավելի քան 1000 մարդ, այդ թվում՝ 270 երեխա, չեն կարողանում տուն վերադառնալ։

Դեկտեմբերի 13-ի երեկոյան հայտնի դարձավ, որ Ադրբեջանը դադարեցրել է Արցախ գազամատակարարումը, ինչի արդյունքում հանրապետությունը անցել է ռեսուրսների առավելագույն խնայողության ռեժիմի՝ բենզինի, դիզվառելիքի և գազի դեֆիցիտի պատճառով։ Գազամատակարարումը վերականգնվել է դեկտեմբերի 16-ին։

ԱԻՆ-ը տեղեկացնում է, որ ՀՀ տարածքում կան փակ ավտոճանապարհներ
Ստեփանծմինդա-Լարս ավտոճանապարհը փակ է Վրաստանի ՆԳՆ ուղղաթիռի վթարի պատճառով
Ձայն տվեցինք, որ չիջնի՞, հիմա տեղը տա՞ք է. քաղաքացին՝ Փաշինյանին (Տեսանյութ)
Պետք էր ոչինչ չստորագրել, պահել Քարվաճառն ու Լաչինը, հետո ռազմական ճանապարհով հարց լուծել. Վանեցյան
Միքայել և Կարեն Վարդանյանները 330 մլն դրամի օգնություն են տրամադրել Արցախում 44-օրյա պատերազմում 1098 զոհվածի ընտանիքներին (տեսանյութ)