Բավ է պառակտվել
20-06-2022 12:49

Երկու մարդ է սպանվել Ապարանում կրակոցների արդյունքում, ձերբակալվել է 32-ամյա տղամարդ (տեսանյութ)

Հայաստանի քննչական կոմիտեն մանրամասներ է հրապարակել Արագածոտնի մարզի Ապարան քաղաքի մոտ տեղի ունեցած կրակոցների դեպքի առթիվ։

Քննությամբ ձեռք բերված փաստական տվյալների համաձայն՝ հունիսի 18-ին, ժամը 22:30-ի սահմաններում, Երևան քաղաքի 32–ամյա բնակիչը եղբոր հետ Ապարան քաղաքում ավտոմեքենան վարելու ընթացքում ձայնային ազդանշան է տվել «Ինֆինիտի» մակնիշի ավտոմեքենային, շրջանցել և կանգնեցրել այն, այնուհետև մոտեցել են վարորդին և մեքենան վարելու հարցի շուրջ զրուցել նրա հետ։ Խոսակցությանը միջամտել են տեղի մի խումբ բնակիչներ, խոսակցությունը վերածվել է վեճի, որը շարունակվել է Ապարան քաղաքի սկզբնամասում։

Հաջորդ օրը 32-ամյա մի տղամարդ եղբոր ու մի խումբ անձանց հետ գնացել է Ապարանի գազալցակայանի տարածք, հանդիպել նախորդ օրը իրենց խոսակցությանը միջամտած անձանցից մեկին և ծեծի ենթարկել վերջինիս:

Նույն հարցի շուրջ խոսակցությունը շարունակվել է երեկոյան Նիգավան գյուղի աղբանոցին հարակից տարածքում։ 32-ամյա տղամարդն իր մոտ գտնվող հրացանից կրակոցներ է արձակել իրենց հետ վիճաբանող անձանց ուղղությամբ՝ վիրավորելով մի քանի հոգու։ Նրանք հոսպիտալացվել են։ Ավելի ուշ Ապարանի բժշկական կենտրոն հրազենային վնասվածքներով տեղափոխված 27-ամյա երկու երիտասարդ մահացել են, ևս հինգը տեղափոխվել են բժշկական կենտրոններ։

Արագածոտնի մարզային քննչական վարչությունում հարուցվել է քրեկան գործ սպանության և ապօրինի կերպով զենք, զինամթերք ձեռք բերելու ու պահելու հատկանիշներով։ 32-ամյա տղամարդը ձերբակալվել է։ Նախաքննությունը շարունակվում է, միջացառումներ են ձեռնարկվում միջադեպի բոլոր մասնակիցների հայտնաբերման և մանրամասներն, այդ թվում՝ դրդապատճառը պարզելու ուղղությամբ:

Մինչդեռ, ըստ տեղական մի շարք լրատվամիջոցների՝ ծեծկռտուքը տեղի է ունեցել իշխանական պատգամավորի և տեղի փոխմարզպետի հարազատների ու մի խումբ երիտասարդների միջև, ովքեր «վիրավորական արտահայտություններ են արել վարչապետ Նիկոլ Փաշինյանի հասցեին»։ Նշվում է, որ կրակել են Կալաշնիկովի ինքնաձիգից, կան վիրավորներ և մեկ զոհ։

Արցախում դեռևս չպարզված հանգամանքներում մահացել են երկու զինծառայող
Հայաստանի երկու քաղաքացի կասկածվում են դավաճանության մեջ. նրանք Ադրբեջանից քաղաքացիություն են խնդրել
Տապը «կողողի» Հայաստանը
Հայաստանի նախկին դատախազ Աղվան Հովսեփյանը գրավի դիմաց ազատ կարձակվի
Իրաքից տաք հոսանքներ են ներթափանցում Հայաստան։ Երևանում սպասվում է մինչև 42 աստիճան շոգ