Բավ է պառակտվել
14-06-2022 10:40

Երևանի Ծիծեռնակաբերդի խճուղու փլուզված հատվածով երթևեկությունը վերականգնված է

Երևանի Ծիծեռնակաբերդի խճուղու փլուզված ամբողջ հատվածը վերականգնված է և նախօրեին արդեն հանձնված է շահագործման, հայտնում է Երևանի քաղաքապետարանը:

Այս ավտոճանապարհով երթևեկությունը երկկողմանի դադարեցվել էր մայիսի 20-ից՝ ճանապարհի մի հատվածի փլուզման պատճառով։

«Երթևեկությունը ժամանակավորապես կիրականացվի երեք ուղեգծով՝ երկու լիարժեք ուղեգիծ Դալմա Գարդեն Մոլից դեպի ՄՀՀ և մեկը՝ ՄՀՀ-ից դեպի Դալմա Գարդեն Մոլ»,- նշել են գերատեսչությունից։

Հաղորդվում է նաև, որ խճուղու հարակից տարածքում իրականացվող շինարարական աշխատանքներին զուգահեռ անհրաժեշտ է իրականացնել ամրաշինական միջոցառումներ՝ ապագայում համանման իրավիճակներից խուսափելու նպատակով:

«Այս պահից սկսած հանրային տրանսպորտն աշխատելու է սովորական երթուղիներով»,- հավելել են քաղաքապետարանում։

Երևանի փողոցներում կերթևեկեն նոր 12 մետրանոց ավտոբուսներ
Ոստիկանությունը հայտնում է Երևանում կանոնավոր երթևեկության վերականգնման մասին
Երևանի հիմնական պողոտաներից մեկի երթևեկությունը կկազմակերպվի 4 երթևեկելի գոտիով
Ռուսաստանի և Վրաստանի սահմանին Վերին Լարսի անցակետում ավելի քան 3,5 հազար մարդատար ավտոմեքենա է կուտակված
Կրակոցներ Երևանում․ մեկ անձ սպանվել է, ևս մեկը՝ վիրավորվել