Հայաստանի պաշտպանության նախկին նախարար Սեյրան Օհանյանին մեղադրանք է առաջադրվել

Հայաստանի պաշտպանության նախկին նախարար Սեյրան Օհանյանին մեղադրանք է առաջադրվել առանձնապես խոշոր չափերի վատնում կատարելու համար։ Այս մասին «Նյուզ-Արմենիա» գործակալությանն ասել է ՀՀ հատուկ քննչական ծառայության մամլո քարտուղար Մարինա Օհանջանյանը:

«Օհանյանի նկատմամբ խափանման միջոց է ընտրվել ստորագրությունը չհեռանալու մասին», - ասել է նա:

Ինչպես ավելի վաղ հաղորդել էր Հատուկ քննչական ծառայությունը, 2010 թվականի ընթացքում ՊՆ-ի կողմից մշակված կառավարության գաղտնի որոշման նախագծով, առանց գույքի պարտադիր գնահատման, առաջարկվել է թույլատրել ՊՆ-ին «Ձորա ՀԷԿ» ՓԲԸ անունից հավանություն տալ 3 միլիարդ 600 միլիոն դրամ գումարով ընկերության գույքի օտարմանը «Ձորագետ Հիդրո» ՍՊ ընկերությանը:

Արդյունքում, 2010 թվականի դեկտեմբերի 16-ին կառավարությունը որոշում է կայացրել վաճառել գույքը, որի շուկայական արժեքը գնահատվել է 4 միլիարդ 646 միլիոն դրամ, շուկայականից ցածր գնով՝ 1 միլիարդ 46 միլիոն դրամով:

Քրեական գործով նախաքննությունը շարունակվում է: Միջոցներ են ձեռնարկվում հանցանքի կատարմանը ներգրավված անձանց ողջ շրջանակը պարզելու ուղղությամբ:

Օհանյանը, մեղադրվում է նաև Մարտի 1-ի գործով սահմանադրական կարգը տապալելու համար։ ($1 – 478,87 դրամ).