Բավ է պառակտվել
08-11-2022 14:14

Հայաստանի անձնագրային բաժանմունքներում կսկսի գործել էլեկտրոնային հերթագրում

Նոյեմբերի 14-ից ՀՀ քաղաքացիություն ստանալու և դադարեցնելու դիմումների ներկայացումը, ՀՀ քաղաքացիություն ստացած անձի առաջին անգամ անձնագրավորումը, ինչպես նաև քաղաքացիություն ստանալու համար փաստաթղթերի նախնական ուսումնասիրությունն ու խորհրդատվության տրամադրումը իրականացվելու է էլեկտրոնային հերթագրման եղանակով։ Այս մասին հայտնում են ոստիկանության լրատվական ծառայությունից։


Նոյեմբերի 14-ից 18-ը էլեկտրոնային հերթագրմանը զուգահեռ գործելու է նաև հերթագրման սարքավորումների միջոցով հերթագրման կտրոններով սպասարկելու ընթացակարգը (50/50 հարաբերակցությամբ), իսկ նոյեմբերի 21-ից սպասարկումն իրականացվելու է բացառապես էլեկտրոնային հերթագրման եղանակով։

Հերթագրվել կարելի է առցանց՝ e-request.am հարթակով (կայքը հասանելի է երեք լեզուներով՝ հայերեն, ռուսերեն և անգլերեն): Յուրաքանչյուր դիմումատու հերթագրման համար պետք է լրացնի բացառապես իր անհատական տվյալները. այլ անձանց տվյալներով հերթագրված դիմումատուները չեն սպասարկվելու։

Ռուսաստանում այլևս պարտադիր չեն երեխաների և ամուսնության մասին գրանցումներն անձնագրերում
2023 թվականից Ռուսաստանում կդադարեն տրամադրել թղթային անձնագրեր
Անձնագիր ունեցող հավերը կամ ձվերը․․․
Ռուսաստանում Հայաստանի դեսպանությունը քաղաքացիությանն առնչվող դիմումներն այսուհետ ընդունում է միայն էլեկտրոնային տարբերակով
Հայաստանում ժամանակավորապես կդադարեցվի կենսաբանական անձնագրերի տրամադրումը