Բավ է պառակտվել
15-12-2022 23:56

ՄԻԵԴ-ը Ադրբեջանին ժամանակ է տվել մինչև դեկտեմբերի 19-ը՝ արձագանքելու Լաչինի միջանցքի ապաշրջափակման Հայաստանի պահանջին

Մարդու իրավունքների եվրոպական դատարանը՝ ՄԻԵԴ որոշում է կայացրել երեկ Հայաստանի ներկայացրած միջանկյալ միջոցներ կիրառելու պահանջի վերաբերյալ:
Միջազգային իրավական հարցերով ՀՀ ներկայացուցչը հայտնել է, որ դատարանը որոշել է Ադրբեջանին ժամանակ տրամադրել մինչև երկուշաբթի՝ դեկտեմբերի 19-ը, ժամը 16-ը (Ֆրանսիայի ժամանակով) պատասխան ուղարկել Հայաստանի ներկայացրած պահանջի վերաբերյալ, որից հետո Դատարանը կկայացնի վերջնական որոշում:

Նախօրեին, ՄԱԿ-ի Արդարադատության միջազգային դատարանի կանոնների համաձայն, Հայաստանը գրավոր դիմել էր ՄԻԵԴ՝ պահանջելով միջանկյալ միջոցներ կիրառել Ադրբեջանի նկատմամբ և պարտավորեցնել վերջինիս ապաշրջափակել Լաչինի միջանցքը։ Հայաստանը տեղեկացրել է Ադրբեջանի կողմից Լաչինի միջանցքի շրջափակման և, որպես հետևանք, Արցախի ժողովրդի իրավունքների ոտնահարման մասին։

Ադրբեջանը կրկին խափանել է Արցախի գազամատակարարումը
Արցախը չի կարող անվերջ սպասել, մինչ Ադրբեջանը հասունանա կառուցողական երկխոսության համար
Հայաստանը ՄԻԵԴ է ներկայացրել Ադրբեջանի դեմ երրորդ գանգատը
Ադրբեջանի կազմում որևէ կարգավիճակ անընդունելի է․ Արցախում հանդես են եկել հայտարարությամբ Փաշինյան-Ալիև-Միշել հանդիպումից հետո
Ադրբեջանը նռնականետերից կրակ է բացել Արցախում, վիրավորվել ՊԲ 2 զինծառայող