Բավ է պառակտվել
15-12-2020 16:51

ՄԻԵԴ-ը հորդորել է զերծ մնալ վերադարձած անձանց անունները կամ լուսանկարները հրապարակելուց

Հայաստան տեղափոխված 44 գերուց 26-ի մասով ՀՀ կառավարությունը միջանկյալ միջոց կիրառելու պահանջ էր ներկայացրել ՄԻԵԴ: Այս մասին հայտնում է ՄԻԵԴ-ում ՀՀ ներկայացուցիչ Եղիշե Կիրակոսյանը։
Հայտարարության մեջ ասված է. «Ինչպես հայտնի է՝ երեկ Ադրբեջանից Հայաստան են տեղափոխվել պաշտոնապես հաստատված 44 գերի, որոնցից 26-ի մասով ՀՀ կառավարությունը միջանկյալ միջոց կիրառելու պահանջներ էր ներկայացրել Մարդու իրավունքների եվրոպական դատարան։
Այս ամբողջ ընթացքում ՄԻԵԴ-ում ՀՀ ներկայացուցչի գրասենյակը համակարգել է մեր հայրենակիցների կոնվենցիոն իրավունքների պաշտպանությանն ուղղված աշխատանքները և ակտիվորեն կապի մեջ է եղել գերեվարված անձանց հարազատների հետ։ՄԻԵԴ-ում ՀՀ ներկայացուցչի գրասենյակը շարունակում է ամենօրյա աշխատանքները ադրբեջանական կողմի խախտումների, այդ թվում՝ գերեվարված անձանց կոնվենցիոն իրավունքների պաշտպանության վերաբերյալ պահանջներ ներկայացնելու ուղղությամբ։
ՄԻԵԴ-ում ՀՀ ներկայացուցչի գրասենյակը շնորհակալություն է հայտնում նաև բոլոր այն գերատեսչություններին, միջազգային գործընկերներին և իրավապաշտպաններին, որոնք համագործակցել և շարունակում են համագործակցել Գրասենյակի հետ՝ ի պաշտպանություն մեր հայրենակիցների իրավունքների։
Անվտանգության նկատառումներից, ինչպես նաև իրավասության առանձնահատկություններից ելնելով՝ մեր կողմից իրականացված ոչ բոլոր աշխատանքներն են ամենօրյա կտրվածքով հրապարակվում, ինչի առնչությամբ շնորհակալություն ենք հայտնում ըմբռնման համար»։
Որպես հետգրություն ՄԻԵԴ-ում ՀՀ ներկայացուցիչը հորդորել է զերծ մնալ վերադարձած անձանց անունները կամ լուսանկարները հրապարակելուց և շրջանառելուց։

Արմինե Գևորգյան

Հայաստանի Օմբուդսմեն․ Ադրբեջանի ԱԳ նախարարի պնդումները հայ գերիների մասին կոպտորեն ոտնահարում են միջազգային մարդասիրական իրավունքը
Հայաստանը նոր գանգատ է ներկայացրել ՄԻԵԴ Ադրբեջանի դեմ
«Ազատություն Ադրբեջանում հայ գերիներին»․ հայերը ակցիաներ կանցկացնեն Ռուսաստանի, ԱՄՆ, Եվրոպայի, Իսրայելի խոշոր քաղաքներում
ՄԻՊ ներկայացուցիչներն առանձնազրույցներ են ունեցել Ադրբեջանից ՀՀ վերադարձած 5 գերիների հետ
Զախարովան մատնանշել է գերիների թվի հարցում Երևանի և Բաքվի մոտեցումների նկատելի տարբերությունը