բավ է պառակտվել
29-10-2020 17:48

Եվրոպական դատարանը Ադրբեջանից պահանջել է փաստաթղթավորված տեղեկություններ հայ ռազմագերիների պահման վերաբերյալ

Փաստաբանների խումբը տեղեկացնում է, որ Եվրադատարան է ներկայացվել 2020 թ. սեպտեմբերի 27-ին Ադրբեջանի կողմից հարուցված Ադրբեջանի դեմ լայնամասշտաբ պատերազմի ընթացքում գերեվարված ևս հինգ զինծառայողների իրավունքների պաշտպանության գործ:

Գերության մեջ հայտնված անձինք են՝ Սամվել Ասատրյանը, Ալբերտ Միքայելյանը, Էդիկ Տոնոյանը, Վալերի Հայրապետյանը և Արսեն Կարապետյանը:

Հաղորդագրությունում նշվում է, որ ադրբեջանական լրատվամիջոցներով տարածված տեսանյութերի հիման վրա նշված անձինք նույնականացվել են և նրանց ընտանիքի անդամների անունից դիմումներ են ներկայացվել Եվրոպական դատարան՝ կյանքի և անմարդկային վերաբերմունքից զերծ լինելու իրավունքները պաշտպանելու մասին հրատապ միջոց կիրառելու պահանջով:

Եվրոպական դատարանը Ադրբեջանի կառավարությունից պահանջել է մինչև 03.11.2020թ փաստաթղթավորված տեղեկություն նրանց գտնվելու վայրի, պահման պայմանների և բժշկական սպասարկման վերաբերյալ:

ՄԻԵԴ-ն արձանագրել է, որ Ադրբեջանը արժանահավատ տեղեկություններ չի տրամադրել հայ ռազմագերիների մասին
Թուրքիան և Ադրբեջանը փաստում են, որ իրենց իրական թիրախը հայ ժողովուրդն է (լուսանկար)
Ադրբեջանցի զինվորականները երկու օր առաջ հայ զինծառայող են գլխատել. ՄԻՊ-ը ահազանգ է ստացել
Ադրբեջանը արհեստական ձգձգում է գերիների վերադարձը․ ՄԻՊ
Էդմոն Մարուքյանը հայ գերիների հարցով դիմել է ԵԽ խոշտանգումների կանխարգելման կոմիտեին (տեսանյութ)