Բավ է պառակտվել
09-09-2021 18:08

Խաղողագործները փակել են Երևան-Երասխ ճանապարհը․ չեն կարողանում նորմալ գնով վաճառել խաղողը (տեսանյութ)

Խաղողագործները չեն կարողանում նորմալ գնով վաճառել խաղողը և պահանջում են պետությունից լուծել այդ ցավալի հարցը։

Արարատի մարզի Երևան-Երասխ ճանապարհի Տափերական գյուղի հատվածը փակած գյուղացիների և ոստիկանների միջև բախումներ են տեղի ունեցել, մեկ քաղաքացի բերման է ենթարկվել։
Ավելի վաղ հայտնել էինք, որ գյուղացիները փակել են ճանապարհը և գինու-օղու ձեռնարկություններից պահանջում մթերել աճերացրած խաղողը։ Ոստիկանության մամուլի ծառայությունից Sputnik Արմենիային հայտնեցին, որ Երևան-Երասխ ճանապարհից բերման է ենթարկվել մեկ քաղաքացի, վարչական իրավախախտումների օրենսգրքի 182-րդ հոդվածի՝ ոստիկանի պահանջը չկատարելու համար։ Դեպքի վայր է ժամանել նաև փոխմարզպետ Սերգեյ Ատոմյանը (նախկին պատգամավոր՝ Նիկոլ Փաշինյանի «Իմ քայլը» դաշինքից): Նա բնակիչներին ասել է, որ կառավարությունը փորձում է բանակցել գործարանների հետ` նորմալ գնով մթերելու շուրջ:

«Այլ բան չեմ կարող ասել, ես չեմ որոշում: Բանակցությունները վարում են նախարարությունը և գործարանները», - հավելել է Ատոմյանը՝ հորդորելով գյուղացիներին ցրվել և չփակել երթևեկությունը:

Ավելի վաղ Sputnik Արմենիայի հետ զրույցում Տափերականի գյուղապետարանի աշխատակից Մուշեղ Ղազարյանն ասել է, որ գյուղացիներն անցյալ տարի նախնական պայմանագրեր են կնքել «Vedi Alco» ընկերության հետ: Այժմ ձեռնարկության ղեկավարությունն ասում է, որ չի կարող մթերել ամբողջ խաղողը։

Տափերականում նույնպես գործարան կա, բայց այն հրաժարվում է խաղող մթերել։ Տարածաշրջանում գործող մյուս ձեռնարկությունները համաձայն են ընդունել խաղողը, սակայն մեկ կիլոգրամի դիմաց 115-120 դրամով։ Գյուղացիներին այդ գինը ձեռնտու չէ, նրանք խնդրում են գնել գոնե 140-150 դրամով (28-30 ցենտ)։

Խաղողագործները ամսի 20-ից հետո դուխով կպահանջեն  կառավարության հրաժարականը (Տեսանյութ)
Սպանդանոցային պարտադիր մորթի պահանջից դժգոհողները մտադիր են փակել Երևան տանող ճանապարհները
Հայ ֆերմերներն արգելափակել են Երևան տանող ավտոճանապարհներն
Վարորդները փակել են Սոթքի ոսկու հանք տանող ճանապարհը․ պահանջում են վարձատրության նոր պայմաններ
Ցուցարարները Երևանում փակել են դեպի ՊՆ տանող ճանապարհը