Ռուսաստանի Դաշնության Անվտանգության դաշնային ծառայությունը կանխել է ահաբեկչություն մայրաքաղաքի շրջանում: Այս մասին հաղորդվում է Ռուսաստանի ԱԴԾ կայքում:
Ձեռնարկված միջոցառումների արդյունքում ձերբակալվել է Կենտրոնական Ասիայից մի տղամարդ՝ ծնված 1999 թ., ով միջազգային ահաբեկչական կազմակերպությունների զինյալների ցուցումով պատրաստվում էր ահաբեկչական գործողություն իրականացնել կառավարական շենքերից մեկում ` ինքնաշեն պայթուցիկ սարքի միջոցով: Հետագայում հանցագործը նախատեսում էր մեկնել Մերձավոր Արևելքում պատերազմական գոտի ՝ մասնակցելու ահաբեկչական խմբավորումների գործողություններին:
Ահաբեկչի պահոցում հայտնաբերվել և առգրավվել են ինքնաշեն պայթուցիկ սարքի բաղադրամասեր, իսկ օգտագործվող կապի միջոցներում ՝ նամակագրություն գրոհայինների հետ, որտեղ քննարկվում էր պլանավորված ահաբեկչությունը, պայթուցիկ նյութեր պատրաստելու ինտերնետային ձեռնարկներ, ինչպես նաև ահաբեկիչների առաջնորդներին տրված նրա այսպես կոչված, երդման տեսանյութը։
Ներկայումս, հարուցված քրեական գործի շրջանակներում իրականացվում են անհրաժեշտ օպերատիվ-որոնողական միջոցառումներ և քննչական գործողություններ: