«Բարգավաճ Հայաստան» կուսակցության առաջնորդ Գագիկ Ծառուկյանն անդրադարձել է ՀՀ վարչապետ Նիկոլ Փաշինյանի կողմից իր հասցեին հնչեցված վերջին հայտարարություններին: Լրագրողների հետ զրույցում քաղաքական գործիչը նշել է, որ ծանոթ է այդ խոսքերին, սակայն չի պատրաստվում պատասխանել նույն ոճով:
«Ես ինչ ասել եմ, մեկ անգամ ուզում եմ կրկնել՝ Ծառուկյանը չի իջնի այդ մակարդակին, ես իմ կլասը չեմ գցի»,- հայտարարել է նա՝ հավելելով, որ երկրի ղեկավարը նյարդային վիճակում է, քանի որ ութ տարի շարունակ խաբել է ժողովրդին և այսօր նրանց ասելու բան չունի:
Գագիկ Ծառուկյանի խոսքով՝ գործող իշխանության վարած քաղաքականությունը երկիրը հասցրել է պատերազմի, տարածքային կորուստների, զոհերի և տնտեսական ճգնաժամի, այդ թվում՝ Ռուսաստանի հետ հարաբերություններում: Ի հակադրություն իշխանական «բռնելու, փակելու և խլելու» մոտեցմանը, ԲՀԿ առաջնորդը ներկայացրել է իր թիմի առաջնահերթությունները, որոնք անհրաժեշտ են երկրին.
-
Վարկային համաներում. Բնակչությանն ազատել վարկային ծանր բեռից և ճահճից,
-
Անվճար սոցիալական ոլորտ. Ապահովել ամբողջությամբ անվճար առողջապահություն և կրթություն,
-
Համերաշխության մթնոլորտ. Փոխարինել ատելությունն ու թշնամանքը զարգացմամբ, բարությամբ և հաշտությամբ:
ԲՀԿ առաջնորդը շեշտել է, որ հասարակությունը հոգնել է գործող իրավիճակից և փոփոխություններ է ուզում: Նա կոչ է արել քաղաքացիներին հունիսի 7-ին կայանալիք ընտրություններին կատարել ճիշտ ընտրություն հանուն իրենց և իրենց երեխաների ապագայի:
«Այո, ֆիզիկական սպառնալիք ա, սատկացնելու ենք». Փաշինյանի նոր հիստերիան ու բացահայտ սպառնալիքները
