բավ է պառակտվել
22-10-2020 17:22

Գագիկ Ծառուկյանն ազատ արձակվեց

ԲՀԿ առաջնորդ Գագիկ Ծառուկյանը 100 միլիոն դրամ գրավով ազատ արձակվեց։ 
Նշենք, որ օրեր առաջ Գագիկ Ծառուկյանի խափանման միջոց կալանքը գրավով փոխարինելու վերաբերյալ պաշտպանները միջնորդություն էին ներկայացրել դատարան։
«Դատարանը կայացրեց արդարացի որոշում»,-նիստից հետո լրագրողներին ասաց Ծառուկյանի փաստաբան  Սամվել Դիլբանդյանը։
Գագիկ Ծառուկյանին մեղադրանք է առաջադրվել ՀՀ քրեական օրենսգրքի 154.2-րդ հոդվածի 2-րդ մասի հատկանիշներով՝ ընտրակաշառք տալու համար։ Նա, սակայն, չի ընդունում իրեն առաջադրված մեղադրանքը։
Հունիսի 16-ին Ազգային ժողովը փակ քվեարկություններով հավանություն է տվել պատգամավոր Գագիկ Ծառուկյանին անձեռնմխելիությունից և ազատությունից զրկելու վերաբերյալ ՀՀ Գլխավոր դատախազի միջնորդություններին:

Հիշեցնենք՝ ԱԱԾ-ն հայտնել էր, որ ՀՀ ազգային անվտանգության ծառայության կողմից իրականացված մեծածավալ քննչական և այլ դատավարական գործողությունների, ինչպես նաև համալիր օպերատիվ-հետախուզական արդյունավետ միջոցառումների արդյունքում հնարավոր է եղել բացահայտել «Բարգավաճ Հայաստան» կուսակցության մի խումբ անդամների կողմից, նախնական համաձայնությամբ, 2017 թ. ապրիլի 2-ին կայացած ՀՀ ԱԺ ընտրությունների ընթացքում ընտրողներին թեկնածուներից, ինչպես նաև «Բարգավաճ Հայաստան» կուսակցության օգտին կողմ քվեարկելու համար անձամբ կամ միջնորդի միջոցով ընտրողներին կաշառք տալու բազմաթիվ դեպքեր, որում ներգրավված են եղել ինչպես կուսակցության ղեկավար կազմը, այնպես էլ՝ կուսակցության անդամները:

Գագիկ Ծառուկյանն ազատ արձակվեց
Գագիկ Ծառուկյանը կալանավորվեց
Գագիկ Ծառուկյանին կկալանավորեն 
Գագիկ Ծառուկյանը վարակվել է կորոնավիրուսով
Կորոնավիրոսդ կտրեմ առյուծով ․ Գագիկ Ծառուկյան (Լուսանկար)