Ֆրանսիայի Հանրապետության Սենատի նախագահ Ժերար Լարշեն կմասնակցի Հայոց ցեղասպանության 106-րդ տարելիցի միջոցառումներին
Հայոց ցեղասպանության 106-րդ տարելիցի միջոցառումներին մասնակցելու համար Հայաստան կժամանի Ֆրանսիայի Հանրապետության Սենատի նախագահ Ժերար Լարշեի գլխավորած պատվիրակությունը, հայտնում է Հայաստանի ԱԺ մամլո ծառայությունը։
Պատվիրակությունը Հայաստան կժամանի ՀՀ Ազգային ժողովի նախագահ Արարատ Միրզոյանի հրավերով։ Պատվիրակության կազմում են Սենատում ներկայացված բոլոր քաղաքական խմբերի ղեկավարները:
Ֆրանսիայի պատվիրակությունը հանդիպումներ կունենա Միրզոյանի, խորհրդարանական խմբակցությունների և հանձնաժողովների ներկայացուցիչների հետ։ Հանդիպումներ են նախատաեսված վարչապետի, Հանրապետության նախագահի և Ամենայն Հայոց Կաթողիկոսի հետ։