Հայաստանի կառավարությունը հինգշաբթի օրը կայացած նիստում հավանություն է տվել Վրաստանի հետ երկու երկրների քաղաքացիների համար փոխադարձ առանց մուտքի արտոնագրերի այցերի մասին համաձայնագրի վավերացման մասին օրենքի նախագծին։
2023 թվականի հունվարի 12-ին ստորագրվել է «Հայաստանի և Վրաստանի Հանրապետությունների միջև երկու պետությունների քաղաքացիների համար փոխադարձ առանց մուտքի արտոնագրի ճամփորդելու մասին» համաձայնագիրը, որի համաձայն Հայաստանի քաղաքացիները Վրաստան կարող են այցելել նույնականացման քարտերով (ID-card), այն է՝ առանց անձնագիր ներկայացնելու։ Օրենքն ուժի մեջ կմտնի երկու պետությունների կողմից վավերացնելուց հետո։