Կիրակի երեկոյան Երևանի կենտրոնում արտակարգ դեպք է տեղի ունեցել։
Հայաստանի ԱԻՆ-ից հայտնում են, որ նոյեմբերի 6-ին, ժամը 21:27-ին ահազանգ է ստացվել, որ Պարոնյան-Դեմիրճյան փողոցների խաչմերուկում քաղաքացին փորձել է ինքնահրկիզվել։
Դեպքի վայր է մեկնել մեկ մարտական հաշվարկ և հերթապահ հոգեբան։
Մինչ փրկարարների ժամանումը հրդեհը մարվել է ոստիկանների ուժերով, իսկ տուժածը հոսպիտալացվել է բժշկական կենտրոն անգիտակից վիճակում։
Բժիշկները նրա վիճակը գնահատում են ծայրահեղ ծանր։
Խաչմերուկի մոտ, որտեղ տեղի է ունեցել դեպքը, կառավարական առանձնատներն են։