Բավ է պառակտվել
07-03-2022 22:41

Հակառակորդի կրակոցներից ՀՀ ԶՈՒ զինծառայողի սպանվելու, ևս մեկի հրազենով վիրավորվելու դեպքի առթիվ հարուցվել է քրեական գործ

ՀՀ քննչական կոմիտեի զինվորական քննչական գլխավոր վարչության ութերորդ կայազորային քննչական բաժնում ՀՀ քրեական օրենսգրքի 104-րդ հոդվածի 2-րդ մասի 1-ին, 2-րդ և 13-րդ կետերով հարուցվել է քրեական գործ՝ մեկ զինծառայողի սպանության, ևս մեկ զինծառայողի հրազենային վիրավորում ստանալու դեպքի առթիվ:

Ըստ նախնական տեղեկությունների` 2022թ. մարտի 7-ին՝ ժամը 12:55-ին, ՀՀ պաշտպանության նախարարության N զորամասի պահպանության տեղամասի մարտական հենակետում ինժեներական աշխատանքներ կատարելիս, Ադրբեջանի զինված ուժերի ստորաբաժանումների կողմից արձակված կրակոցներից, մահացու հրազենային վիրավորում է ստացել նույն զորամասի պայմանագրային զինծառայող, սերժանտ Հրաչ Արամի Մանասարյանը՝ ծնված 1985թ., իսկ պայմանագրային մեկ զինծառայող, շարքային (ծնված 1990թ.) ստացել է հրազենային վիրավորում և տեղափոխվել բժշկական կենտրոն:

Կատարվում է նախաքննություն:

Մեկ զինծառայողի զոհվելու և մեկ այլի վիրավորում ստանալու քրեական գործով ձերբակալվել է ծառայակիցը. ՀՀ ՔԿ
ՀՀ-ն դիմել է ՄԻԵԴ գերեվարված վեց հայ զինծառայողների հիմանարար իրավունքների ապահովման պահանջով
Հայաստանում ականի պայթյունի հետևանքով պայմանագրային զինծառայող է վիրավորվել
Հակառակորդի կողմից արձակված կրակոցից ՊԲ զինծառայող է վիրավորվել
Կրակոցներ Արցախի Մարտունի քաղաքում, կա երկու վիրավոր, կրակողը բերման է ենթարկվել