Բավ է պառակտվել
21-04-2020 12:43

Հայաստան վերադառնալու համար դիմել է 1283 ՀՀ քաղաքացի. Ադոնց


ՀՀ քաղաքացու՝ հայրենիք վերադարձն առաջնային խնդիր է մեզ համար: Մենք պետք է ապահովենք նրանց վերադարձն ու անվտանգությունը: Այս մասին այսօր Կառավարության մամուլի կենտրոնում տեղի ունեցող ասուլիսի ժամանակ ասաց ՀՀ ԱԳ նախարարի տեղակալ Ավետ Ադոնցը՝ ներկայացնելով COVID-19-ի պայքարի շրջանակում ԱԳ նախարարության հիմնական աշխատանքները:
Ավետ Ադոնցը նշեց, որ մարտի 14-ից մինչ այսօր Հայաստան է վերադարձել մոտ 22 հազար ՀՀ քաղաքացի, երկրների աշխարհագրությունը բավական լայն է եղել։ Իսկ ապրիլի 21-ի դրությամբ Հայաստան վերադառնալու համար դիմել է 1283 քաղաքացի։
Ադոնցն ասում է, որ նախարարությունն ապահովում է ՀՀ բոլոր այն քաղաքացիների ցանկությունը, որոնք գտնվում են արտերկրում և ուզում են վերադառնալ հայրենիք: Նրա խոսքով՝ կարևոր է նաև, որ կարգավորեն բեռնափոխադրման հարցերը, քանի որ համավարակի ընթացքում ներկրվում են նաև առողջապահական պարագաներ, որոնց անհրաժեշտությունը խիստ կարևոր է:
«Եթե ինչ-ինչ պատճառով թռիչքը հետաձգվում է, մեր դիվանագիտության ներկայացուցիչները փորձում են ամեն ինչ անել, որ այդ շրջանն ավելի դյուրին անցնի քաղաքացիների համար», - ասաց Ավետ Ադոնցը։
Հայաստան վերադառնալ ցանկացող ՀՀ քաղաքացիներին ԱԳՆ փոխնախարարը հորդորեց այդ գործընթացներում ղեկավարվել ՀՀ դիվանագիտության ներկայացուցչությունների, հյուպատոսությունների խորհուրդներով։
«Հաճախ են լինում վերադարձի հետ կապված խնդիրներ, օրինակ՝ կարող է թռիչքը ձգձգվել, բայց ըստ նրա՝ պատճառներն օբյեկտիվ են, քանի որ գործողությունները բազմաշերտ են:Իսկ այս գործընթացում մոտ 200 դիվանագետ է ներգրավված, որոնք աշխատում են արտերկրում: «Որևէ այլ միջամտություն այս գործընթացում չի կարող լինել ավելի արդյունավետ, քան ՀՀ դիվանագիտության ներկայացուցիչներն է», - ասաց Ադոնցը։

 

 

Արմինե Գևորգյան

Մարտի 15-ից հետո Հայաստան է վերադարձել 23 000 ՀՀ քաղաքացի.ՀՀ ԱԳՆ
ՀՀ –ում կորոնավիրուսով վարակվածների թիվը 1339
Ռուսաստանցիներին տուն վերադարձնելու գործընթացը շարունակվում է. Հայաստանում ՌԴ դեսպանություն
Հայաստանի Հանրապետության քաղաքացին կորոնավիրուսից մահանալու մատերիալ չէ․Վարչապետ
ՀՀ քաղաքացիներին հետևելու են ժամանակակից տեխնոլոգիաների օգտագործմամբ