Վերսկսվում է մուտքի արտոնագրերի տրամադրումը Հայաստանից Իսպանիա մեկնել ցանկացող զբոսաշրջիկներին, հայտնում է ՀՀ-ում Իսպանիայի դեսպանությունը։
«Հուլիսի 14-ից Երևանում գործող BLS International Armenia Իսպանիայի վիզաների կենտրոնը վերսկսում է մուտքի արտոնագրերի տրամադրումը Հայաստանից Իսպանիա մեկնել ցանկացող զբոսաշրջիկներին»,- ասվում է դեսպանության ֆեյսբուքյան էջում։
Նշվում է, որ Իսպանիա մուտք գործելիս պարտադիր չէ պատվաստված լինել COVID-19-ի դեմ, բավարար է ներկայացնել ՊՇՌ թեստի բացասական արդյունքը։