Իսրայելի կառավարությունը հավանություն տվեց Հայոց ցեղասպանությունը ճանաչող բանաձևին։ Արտաքին գործերի նախարար Գիդեոն Սաարը նախաձեռնել էր այս քայլը՝ դա անվանելով բարոյական պարտք։
Սաարի խոսքով՝ ավելի քան հարյուր տարի առաջ տեղի ունեցած այս սարսափելի ցեղասպանությունը հանգեցրել է 1,5 միլիոն մարդու սպանության և հնագույն մշակութային ժառանգության ոչնչացման։ Նա նշեց, որ փաստերը անվիճելի են։
Արտգործնախարարը շնորհակալություն հայտնեց վարչապետ Բենիամին Նեթանյահուին և կառավարության անդամներին աջակցության համար։ Իսրայելը միանում է այն պետություններին, որոնք պաշտոնապես ճանաչել են Օսմանյան կայսրությունում հայերի զանգվածային կոտորածները։
Ժամանակակից Թուրքիայի կառավարությունը ընդունում է հայերի զանգվածային մահվան փաստը, սակայն վիճարկում է "ցեղասպանություն" տերմինի օգտագարծումը։ Անկարան նաև չի ընդունում հայկական կողմի պնդած 1,5 միլիոն զոհի թիվը՝ համարելով այն չափազանցված։
Իսրայելի այս որոշումը կարող է լարել հարաբերությունները Թուրքիայի հետ, որը բացասաբար է արձագանքում նմանատիպ քայլերին։ Հայոց ցեղասպանության միջազգային ճանաչման հարցը շարունակում է մնալ բուռն քննարկումների և դիվանագիտական տարաձայնությունների առարկա։
