Բա՛վ է պառակտվել
21-10-2019 15:00

Արթուր Վանեցյանի ու Սասուն Խաչատրյանի գաղտնալսման վայրը հայտնի է

Հայտնի է այն վայրը, որտեղից տարածվել է գաղտնալսումը։ Այս մասին լրագրողներին հայտնեց Քննչական կոմիտեի նախագահ Հայկ Գրիգորյանը՝ տեղեկացնելով ԱԱԾ նախկին պետ Արթուր Վանեցյանի ու ՀՔԾ պետ Սասուն Խաչատրյանի գաղտնալսման գործից մանրամասներ։
<<Կան մի շարք բացահայտված հանգամանքներ, բայց նախաքննության շահերից ելնելով՝ կգերադասեմ գործից չխոսել»,–ասաց Հայկ Գրիգորյանը: Հիշեցենք,որ գաղտնալսված հեռախոսազրույցի ընթացքում քննարկվում էր Հայաստանի նախկին նախագահ Ռոբերտ Քոչարյանի կալանքը, ինչպես նաև ՀԱՊԿ գլխավոր քարտուղար Յուրի Խաչատուրովի և ՊՆ նախկին ղեկավար Միքայել Հարությունյանի դեմ հարուցված քրեական գործերը:
Գրիգորյանը հավաստիացրեց, որ նախաքննությունն իր բնականոն հունով ընթանում է։
Ի դեպ, մեկնաբանելով Վանեցյանի այն հայտարարությունը, որ բոլորին հայտնի է, թե ով է պատվիրել այդ գաղտնալսումը, դա ուղղակի ապացուցման կարիք ունի, Հայկ Գրիգորյանն արձագանքեց.
«Մենք մեր գործի շրջանակներում երբևէ նման հայտարարություն չենք արել»։
Հիշեցնենք,որ 2018-ի սեպտեմբերին Youtube կայքում հրապարակվել էր Արթուր Վանեցյանի և Սասուն Խաչատրյանի հեռախոսազրույցը, որում քննարկվում է ՀՀ երկրորդ նախագահ Ռոբերտ Քոչարյանի հարցաքննությունն ու խոսվում այն մասին, թե ինչ պետք է անի դատավորը այդ հարցում: Ավելի ուշ հրապարակվեց նաև ձայնագրության երկրորդ մասը, որում առկա էր նաև վարչապետ Նիկոլ Փաշինյանը:
Հարցին, թե ուժային կառույցներում ղեկավարների փոփոխություններ են տեղի ունենում, կարո՞ղ է նույնը կատարվել Գրիգորյանի դեպքում, նա պատասխանեց, որ եթե Կառավարությունը նպատակահարմար գտնի ազատել նրան, այդ ժամանակ կխոսի:

 

Արմինե Գևորգյան

«Արթուր Վանեցյանն իմ ընկերն է, իմ ընկերն էլ մնալու է: Միասին ճանապարհ ենք անցել» Սասուն Միքայելյան
Արսեն Բաբայանը ազատ արձակվեց․ԱԺ «Իմ քայլի» պատգամավոր Սիսակ Գաբրիելյանի երաշխավորությամբ
ԵՊՀ ուսանողները դասախոսներին հորդորում են միանալ Արայիկ Հարությունյանի հրաժարականի պահանջով երթին
Սերգեյ Լավրովը Երևանում հարգանքի տուրք է մատուցել Հայկական ցեղասպանության զոհերի հիշատակին (լուսանկարներ)
Դասադուլներ, նստացույցեր ընդդեմ ԿԳՄՍ֊ի