Հայաստանի ողջ տարածքում առաջիկա օրերին կպահպանվի շոգ և չոր եղանակ։
Ինչպես տեղեկացնում է Հայպետհիդրոմետը, օգոստոսի 22–26–ը երկրի ողջ տարածքում սպասվում է բարձր ջերմային ֆոն, հովտային և նախալեռնային շրջաններում` նաև բարձր կարգի հրդեհային իրավիճակ:
Առաջիկա հինգ օրերին հանրապետության տարածքում տեղումներ չեն կանխատեսվում։
Քամին կլինի հարավային` 2–7 մ/վ արագությամբ։
Ամենաբարձր ջերմաստիճանները կանխատեսվում են Արարատի և Արմավիրի մարզերում, ինչպես նաև Վայոց Ձորի նախալեռներում և Երևանում, որտեղ մինչև ուրբաթ օդի ջերմաստիճանը կկազմի +36...+38։