հաղթելուենք
11-10-2020 14:45

Կարելի է ձգտել անօդաչու մահաբեր սարքերի վաճառքի ժամանակավոր արգելքին. Արմեն Աշոտյան

Արմեն Աշոտյանը ֆեյսբուքյան իր էջում գրում է.

Խորհրդարանը լուրջ անելիք ունի։
Դեռևս 2017 թվականի աշնանը, Ապրիլյան պատերազմից հետո, առերեսվելով թռչող մարդասպան ռոբոտներին, դրանց չկարգավորվող արտադրության, վաճառքի ու օգտագործման սպառնալիքները կանխազգալով, հեղինակել էի կարևոր քաղաքական բանաձև, որը հայկական պատվիրակության անունից հաջողեցինք անցկացնել Արևելյան գործընկերության խորհրդարանական վեհաժողովում (EURONEST PA)։
Բանաձևն ընդունվեց 2017 թվականին Կիևում:
Արցախի ժողովրդի դեմ այսօր մղվող պատերազմում այդ մարդասպան թռչող մեքենաների, դրանց արտադրողների և վաճառողների հակամարդկային դերակատարությունն ահռելի է։
Հայաստանի Ազգային Ժողովին առաջարկում եմ անհապաղ քայլեր ձեռնարկել խնդրի առավել միջազգայնացման ուղղությամբ։
Հնարավորությունները շատ են։ ԱԳՆ-ի հետ համադրված ու ճիշտ աշխատանքի դեպքում կարելի է ձգտել ընդհուպ անօդաչու մահաբեր սարքերի վաճառքի ժամանակավոր արգելքին ՝ ՄԱԿ-ի Անվտանգության Խորհրդի հրատապ բանաձևի մակարդակով։
Պետք է անհապաղ բովանդակային եւ փաստարկված աշխատանք սկսել այդ ուղղությամբ։

ՀՀ գլխավոր դատախազությունը ապացույցներ է ներկայացրել Ղարաբաղում թուրքական հատուկ ջոկատների ներկայության մասին
Գագիկ Ծառուկյանն ազատ արձակվեց
Ռուսաստանի ԱԴԾ-ն կանխել է ահաբեկչությունը մայրաքաղաքի շրջանում
«Մենք խաղաղություն ենք ուզում». արցախցի կանայք բողոքի ակցիա են անցկացնում ՀՀ-ում ԱՄՆ դեսպանատան մոտ
Չկա միջանկյալ տարբերակ․ կա հաղթանակ և կա պարտություն. Նիկոլ Փաշինյան