Կարմիր խաչի միջազգային կոմիտեի (ԿԽՄԿ) ադրբեջանական ներկայացուցչության աշխատակիցներն այցելել են ԼՂՀ ՊԲ նախկին պայմանագրային զինծառայող Արսեն Էդուարդի Բաղդասարյանին, ով գերեվարվել է 2014թ.-ի դեկտեմբերին: Այցելությունը տեղի է ունեցել օգոստոսի 6-ին: Նշվում է, որ աշխատակիցների միջոցով ադրբեջանական գերության մեջ հայտնված նախկին զինծառայողն ու նրա ընտանիքի անդամները փոխանակվել են անհրաժեշտ տեղեկություններով:
ԿԽՄԿ ադրբեջանական ներկայացուցչության հանրային կապերի բաժնի ղեկավար Իլահա Հուսեյնովան նշել է, որ նման այցելություններն իրականացվում են գերիների վիճակին ծանոթանալու, ինչպես նաև նրանց ընտանիքների հետ կապ պահպանելու համար:
Հիշեցնենք, որ Արսեն Բաղդասարյանը դեկտեմբերի 27-ին հայտնվել է ադրբեջանական գերության մեջ: