Ժամանակավորապես կփակվի Բաղրամյան պողոտան Կասյան փողոցի հետ կապող էստակադան, տեղեկացնում են Երևանի քաղաքապետարանից;
Նշվում է, որ պատճառը դեֆորմացիոն կարերի վերանորոգման աշխատանքներն են, որոնք կմեկնարկեն հոկտեմբերի 5-ին և կավարտվեն հոկտեմբերի 25-ին։
«Այդ ընթացքում էստակադայի երթևեկությունը կշրջանցվի ստորև ներկայացրած սխեմային համապատասխան»,- ասվում է հաղորդագրության մեջ:
Գերատեսչությունը հայցում է քաղաքացիների ներողամտությունը պատճառվող անհարմարությունների համար։