ԵԽԽՎ Մոնիտորինգի կոմիտեն քիչ առաջ հայտարարություն ընդունեց՝ Ադրբեջանին կոչ անելով անհապաղ վերադարձնել հայ գերեվարվածներին։ Այս մասին տեղեկացրել է ԵԽԽՎ-ում հայկական պատվիրակության ղեկավար Ռուբեն Ռուբինյանն իր ֆեյսբուքյան էջում։
Պատգամավորը չի ներկայացրել որևէ այլ լրացուցիչ տեղեկություն։
Օրերս ԵԽԽՎ լիագումար նիստում քննարկվել է Բաքվում պահվող հայ ռազմագերիների, այլ գերեվարվածների և տեղահանված անձանց հարցը։ Հայտարարություններ կամ այլ պաշտոնական փաստաթղթեր չեն ընդունվել, սակայն նիստում ելույթ ունեցողների մեծամասնությունը հայտարարել է Ադրբեջանում պահվող բոլոր հայ ռազմագերիների, այլ գերեվարվածների և տեղահանված անձանց անհապաղ վերադարձնելու անհրաժեշտության մասին։