Հայաստանի դեսպանատունը Ռուսաստանում տարածել է հաղորդագրություն, որի համաձայն ”Վերին Լարս” անցակետը (Հայաստանը Ռուսաստանի հետ կապող միակ ցամաքային ճանապարհը՝ խմբ) կաշխատի սահմանափակումներով։
Հաղորդագրությունում նշվել է, որ իրականացվող շինարարական աշխատանքների կապակցությամբ, և հաշվի առնելով շոգ եղանակային պայմանները, բեռնատար ավտոմեքենաների երթևեկությունը “Վերին Լարսի” ռուսաստանյան հատվածում կիրականացվի ժամը 10։00 - 13։00։
Սահմանափակումը կգործի մի քանի օր։
Միաժամանակ, դեսպանատանը նշել են, որ ռուսական կողմից անցակետում առաջացել է մեքենաների, այդ թվում՝ մարդատարների 1կմ հասնող հերթ, ինչը լրացուցիչ անհարմարություն է առաջացնում սահմանը հատող քաղաքացիների համար։
Ստեղծված իրավիճակի կապակցությամբ Ռուսաստանում ՀՀ դեսպանությունը և Դոնի Ռոստովում ՀՀ գլխավոր հյուպատոսությունը մշտական կապի մեջ են Ռուսաստանի համապատասխան կառույցների հետ: