Վրացական իշխանությունների որոշմամբ, ժամանակավորապես հետաձգվում է մեքենայի սեփականատիրոջ լիազորագրի պահանջը։
Այս մասին նշվում է Վրաստանում ՀՀ դեսպանատան Facebook–յան պաշտոնական էջում։
«Հայաստանի Հանրապետության հարգելի՛ քաղաքացիներ, կապված զբոսաշրջային ժամանակահատվածի հետ, վրացական իշխանությունները որոշում են կայացրել ընդառաջել և մինչև վերոնշյալ ժամանակահատվածի ավարտը սահմանին լիազորագիր չպահանջել այն վարորդներից, ովքեր սահմանը հատում են իրենց վրա չգրանցված ավտոմեքենայով», – նշվում է դեսպանատան հայտարարության մեջ։