Ադրբեջանի սեպտեմբերյան ագրեսիայի հետևանքով Հայաստանի էներգետիկ ենթակառուցվածքներին հասցված վնասի հետևանքները ամբողջությամբ վերացվել են, Հանրայինի եթերում ասել է ՀՀ տարածքային կառավարման և ենթակառուցվածքների նախարար Գնել Սանոսյանը։
Նա հիշեցրել է, որ ադրբեջանական հարձակման պատճառով այդ օրերին 12 ժամով ընդհատվել էր Իրան էլեկտրաէներգիայի մատակարարումը, համակարգում առաջացել էր արտադրության ավելցուկ, անհրաժեշտ է եղել կրճատել որոշ կայանների, այդ թվում՝ Հայկական ատոմային էներգիայի հզորությունը, մինչև մասնագետները վերականգնեին համակարգը։
«Ակնհայտ էր, որ Ադրբեջանի հարձակումները նպատակային են եղել, ավելին, նրանք չէին թողնում, որ հայ մասնագետների մոտենան և վերականգնեն էլեկտրահաղորդման խոցված գծերը»,- ասել է Սանոսյանը։
Նա նշել է, որ այժմ Հայաստանից Իրան էլեկտրաէներգիայի մատակարարումն իրականացվում է նախատեսված ծանրաբեռնվածությամբ։