Բավ է պառակտվել
09-06-2020 13:46

Մարդիկ մրցում են, թե ով ավելի շատ վիրավորանք ու հայհոյանք կհնչեցնի մյուսի հասցեին։ՄԻՊ


Այսօր Հայաստանում շատ մեծ ծավալների են հասնում ատելության խոսքը, վիրավորանքը, իրար նսեմացնելը: ԱԺ-ում լրագրողների հետ ճեպազրույցում ՀՀ ՄԻՊ Արման Թաթոյանն այսպիսի կարծիք հայտնեց` նշելով, որ այդ երևույթն իր համար շատ մտահոգիչ է:
«Անկախ նրանից` պաշտոնատար անձ է, թե ոչ պաշտոնատար, մենք պետք է դադարենք իրար վիրավորել, հայհոյել, առավել ևս, որ հանրային պաշտոնյաների դեպքում դա առավել բարձր պատասխանատվություն է: Այսօր տպավորություն է, թե մարդիկ մրցում են, թե ով ավելի շատ վիրավորանք ու հայհոյանք կհնչեցնի մյուսի հասցեին», - ասաց Թաթոյանը։
ՄԻՊ-ի դիտարկմամբ հայհոյանքը սկսվում է համացանցից, բայց շատ արագ դուրս է գալիս իրական կյանք:
«Եվ մարդիկ իրար նկատմամբ հաշվեհարդար են տեսնում»,- ասաց Թաթոյանը՝ հավելելով, որ նման դեպքեր արդեն կան:

Լրագրողները ՄԻՊ ֊ին խնդրեցին անդրադառնալ նախօրեին կայքերից մեկում հրապարակված մի նյութի։ Նշենք, որ հրապարկվել էր խմբակային բռնաբարության գործի նյութերը, որից պարզ է դառնում, որ այդ հանցագործության հեղինակներից մեկը եղել է Գագիկ Ծառուկյանը:
Արման Թաթոյանը նշեց, որ կոնկրետ այդ փաստին իր կողմից գնահատական տալը ճիշտ չէ, առավել ևս առերեւույթ որևէ պետական մարմնի գործողության հետ կապված հարց բարձրացված չէ:
«Ես առհասարակ կարող եմ ասել, որ ընդհանրապես կարևոր է ցանկացած մարդու արժանապատվությունը, անձնական կյանքը եւ նման արժեքները: Քաղաքականությունը իր սկզբունքներն ունի, քաղաքականությունից դուրս՝ իր սկզբունքները, բայց կոնկրետ այդ դեպքին իմ կողմից գնահատական տալը ճիշտ չէ»,-ասաց նա:
Արման Թաթոյանը խոսեց նաև արտակարգ դրության պայմաններում ՄԻՊ-ին ուղղված բողոքներին, ասաց որ քաղացիների շատ բողոքներ իրազեկման պակասով է պայմանավորված, քանի որ սահմանափակումները արագ են փոխվում և քաղաքացին չի հասցնում հետևել:

«Արտակարգ դրությունը վեր է հանել խնդիրներ, որոնք մինչ այս գոյություն չեն ունեցել: Օրինակ՝ կարանտինային վայրերի հետ կապված, աշխատանքային իրավունքների պաշտպանությունը և այլն: Չէինք պատկերացնի մի իրավիճակ, որ մարդը չի կարողանա գնալ աշխատանքի, որովհետև գործատուն թույլ չի տալիս, որպեսզի վիրուսը չտարածվի: Ունենք աշխատավարձի հետ կապված, կամ պետական սահմանը հատելու և երկրից դուրս գալու հետ կապված խնդիրներ»:

 

 

Արմինե Գևորգյան

Կորոնավիրոսով պայմանավորված մեկուսացվել է 41 մարդ, հաստատված է 4 դեպք կա
Google Map-ի կամ GPS-ի հիման վրա ՀՀ պետական սահմանների սահմանագծում իրականացվել չի կարող. Արման Թաթոյան
Հայաստանն Անդրկովկասում Ռուսաստանի առանցքային դաշնակիցն ու գործընկերն է․ ՌԴ ԳՇ պետ
Հայաստանում դատարանի միջոցով պահանջում են հանել Փաշինյանի կուսակցությունը խորհրդարանական ընտրություններից
Թաթոյանն անդրադարձել է Փաշինյանի կողմից մուրճ թափահարելուն և հանրահավաքներում քաղաքացիների հասցեին սպառնալիքներ հնչեցնելուն