Արտակարգ իրավիճակների նախարարության աշխատակիցների ստուգման արդյունքում Հայաստանի պետական տնտեսագիտական համալսարանի մասնաճյուղի շենքում օդում վտանգավոր նյութեր չեն հայտնաբերվել։
«Տեղում իրականացվել է օդի նմուշառում. չափիչ սարքերը վտանգավոր ոչինչ չեն հայտնաբերել։ Այս պահին տեղում տարօրինակ հոտ չի զգացվում։»,- ասվում է գերատեսչության կայքում։
Այսօր առավոտյան՝ ժամը 10:30-ի սահմաններում, ահազանգ է ստացվել, որ Պարույր Սեւակի 77 (Քանաքեռ-Զեյթուն համայնք) շենքում մի քանի ուսանող վատ են զգացել, շենքում տարօրինակ հոտ է զգացվում.
Տարհանվել է մոտ 400 ուսանող և 35 դասախոս։ Դեպքի վայրում աշխատել են հրշեջ-փրկարարներ ու Բնակչության պաշտպանության եւ աղետների ռիսկի նվազեցման վարչության Ճառագայթային, քիմիական եւ կենսաբանական իրավիճակի մոնիտորինգի բաժնի քիմիկ-հետախույզների խումբը: